Johanningundru 20:9 - Testamenta Marra 1897 (Dieri)

⁹ Ngangau tanali jaura wata milkila nganana wonti, Nau narindru tepi terkakananto.

Testamenta Marra 1897 (Diyari)

⁹ Ngangau tanali jaura wata milkila nganana wonti, Nau narindru tepi terkakananto.

Johanningundru 20:9 Iomraidhean Croise

Matthæungundru 22:29

Jesujeli kalabana wonti ja tanangu jatana wonti: „Jura tjautjau ngundrai, ngangau jura jaura worana ja Godaia ngurula wata ngujamai.

Lucangundru 24:26

Wata jenia Christulu ketjaketjananto ja pirnalani nunkanani wirinanto?“

Lucangundru 9:45

Tanali ninapini jaura wata ngujamana wonti, ja jenia tanangu kurukuru nganana wonti, tanali jenia wata patananto; ja tana japali nganana wonti, nina jenia jaurandru jakalkala.

Johanningundru 2:22

Nau matja tepi terkakana warai narindru, milieli nunkanali ngundrana wonti, Nulu jenia tanangu jatana wonti; ja tanali jaurani morlalu ngundrana wonti, ja nunkangupini jaurani nina Jesus jatana wonti.

Kaukaubani jaura Apostel worangundru 17:3

Jaurandru nulu tanangu mildiri ngankana wonti, ja kurana wonti, Christus ketjaketjananto ja narindru jiritjinanto, ja Naupini Christus Jesus nganai, ninaia ngato jurangu kaukaubai.

Kaukaubani jaura Apostel worangundru 2:24

Ninapini Godali jiritjibana paraia, Nulia naria ketjaketjana matja dukarana warai, ngangau jenia ngandandarina paraia, nulu ninaia milingeru patananto.

I. Korinthalani 15:4

Ja tanali ninaia todina wonti, ja Nauja jiritjina tarana wonti ditjini parkulani, worderu jaura worali kaukaubai.