Yõõna 1:3 - ꞌBuuk cĩ Thõõth cĩ Nyekuci

³ Ĩꞌngaathĩ hinnia Yõõna nẽ ẽdẽc ꞌgõõl ꞌcĩ ꞌrĩĩng, aireek Makayyioohit. Baa allũũcĩ hinnia nẽẽ õkõ ĩĩcĩ ꞌtaaũn ꞌcĩ haĩ ꞌJõppa, nĩngĩtĩ abĩllĩ haahũlĩta nẽ ũmmũda haahũl ꞌcĩ õkõ ĩcĩ ꞌtaaũn cĩ Tarthithi. Ma ho, ũũk ũtũũwa waraga ꞌcĩ weeto nẽ õtõd haahũl cobbi, aĩ hivvireek Makayyioohit ngaatĩ õkõõĩ ꞌtaaũnaa cĩ Tarthithi.

Yõõna 1:3 Iomraidhean Croise

ꞌThianaattõ 3:8

Ma ꞌjiaatĩn niccia, ĩthĩhĩt nẽẽg Makayyioohit Nyekuc ngaatĩ õvvõõĩ manatõõ tõõ nẽ itieelli ĩnõõnnõ gẽrrẽẽt, nĩngĩtĩ õõ aguꞌthẽẽnĩ hẽẽnĩtõõ.

ꞌThianaattõ 4:16

Nĩngĩtĩ ũũnnĩkĩ Kaiino Makayyioohit nẽ ũũk aau looccaa ꞌcĩ haĩ Nood, looc ꞌcĩ aaĩ ĩĩcĩ uruto cĩ Ẽẽdẽnĩ.

Yõõna 1:10

Ma baa athĩhĩ nẽẽg thõõth icci ho, iita abarritit hĩnĩngĩtĩ baa uduhaak Yõõna ĩhõõggõ ẽlẽk ĩĩnnĩk, baa aireek nẽẽ Makayyioohit. Nẽ ijinit ĩnõõnnõ ĩĩttĩk, “Inni dĩman noho ho?”

Yõõna 4:2

Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng.

ꞌLuuka 9:62

Ẽdẽcĩ hinnia Yeesu ĩnõõnnõ anneek, “Aitiõõ eet ꞌcĩ aggam hõllaac cĩ taꞌngõõ nẽ ubbuudõthĩ looc uruta, hõllõngaa ũũppan ngaatĩ occa adticaniini habuccieetaa cĩ Nyekuci.”

Dtiicanĩ cĩg ꞌThooyyiahu 15:38

Nẽẽthĩ hinnia, baa abũrĩ Paaulo, hĩnĩngĩtĩ baa õkõ ũũnnĩk Maarko ĩhõõggõ Pamvilia nẽ aala iittiõõ hõllõngaa adticanni hĩ ĩhõõggõ.

Dtiicanĩ cĩg ꞌThooyyiahu 26:19

“Nẽ ꞌyioko habu Agirippa, baa hõllõngaa haburi naa thõõth cĩ molook ꞌcĩ aku hẽẽtahujjieen ko.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

Dtiicanĩ cĩg ꞌThooyyiahu 9:38

Baa õbõhõõ Liidda hĩ ꞌtaaũn cĩ ꞌJõõppa. Ma baa athĩhĩ nuyyiooha ngaatĩ aayyi Pẽẽtũrũ ꞌtaaũnaa cĩ Liidda ho, iꞌthooyyik ĩnõõnnõ eet ꞌramma hõõt hĩĩttĩk, “Tooyyia baaĩ nuun hataman!”

Dtiicanĩ cĩg ꞌThooyyiahu 9:42

Baa ĩꞌthanothoothĩk nyeemuut ciee ꞌJõõppa hũtũrũũr nẽ iita elemit eeta ꞌcĩg mẽẽlĩg Makayyioohit Yeesu.

Dtiicanĩ cĩg ꞌThooyyiahu 9:43

Ma nĩngaata aala Pẽẽtũrũ ꞌJõõppattĩ waathinniook ꞌcĩg mẽẽlĩg õlõõ cĩ eet umwa ꞌcĩ attũũb õlẽẽt ꞌcĩ haĩ ꞌthaar ꞌThimõõnẽ.

1 Korinthia 9:16

ꞌCĩĩnẽnĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa, hõllõngaa occa hathĩngõõnyani, hĩnĩngĩtĩ hattĩnganoothihi hirrioono. Pĩĩrnanĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa!

2 Tẽꞌthaloonika 1:9

Uuk hatĩ Nyekuci ĩhõõggõ nẽ aaꞌnyĩk haccanattĩ ooo, nẽ hatĩ ũꞌnyũũgtothoothĩk nẽẽg battaala hĩĩtõ ꞌrẽẽttĩg hĩ Makayyioohit, hiittiõõ hõllõngaa acĩn ĩnõõnnõ hĩ bulẽẽnĩt hĩ ꞌtirrian cĩnnĩ.