Terethiinit 9:1 - ꞌBuuk cĩ Thõõth cĩ Nyekuci

¹ Ma baa adtak aajĩlõ ꞌcĩ ĩĩn ꞌtur tũũrĩ cĩnnĩ, hadtuuha hinnia mũꞌnyaac ngaatĩ adhukiaanĩ hẽẽtahujjieen hikia loota. Nẽ baa aaꞌnyĩhoothĩk mũꞌnyaac nicci mũhũta cĩ ꞌgõõl ꞌcĩ aduhun ꞌloohatõõ ꞌcĩ uuthik hiꞌthihi dtuurnanĩt.

Terethiinit 9:1 Iomraidhean Croise

ꞌLuuka 10:18

Ẽdẽcĩ Yeesu ĩhõõggõ anneek, “Baa ꞌthẽk hacini naa buúk ngaatĩ adhukiaanĩ ꞌThĩttaanĩ hẽẽtahujjieen hĩ tammu ꞌcĩ ammadĩ thõng.

ꞌLuuka 8:31

Ma nĩngaata, alaacõ loriẽẽta ꞌcĩg abathĩ ho Yeesu hiittiõõ hõllõngaa iiggiaeek ĩhõõggõ ꞌloohatõõ ꞌcĩ hõllõngaa adtuurnihi.

ꞌRooma 10:7

Hode occa ajin aĩ, “Nganĩ ꞌcĩ occa allũũcĩ õkõ looccaa cĩ daakiahu?” hũũk hũrũgũtha Krĩstõ daahĩtha.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 20:1

Ma ho, hudtuuha aajĩlõ umwaa ꞌcĩ alluuccia hẽẽtahujjieen, ꞌcĩ aꞌnyaha mũhũta cĩ ꞌlook ꞌcĩ uuthik hiꞌthihi dtuurnanĩt, hĩ nyerikooc ꞌcĩ adĩddĩngĩĩ gẽrrẽẽt.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 6:13

Ma ho, udhukta mũnyũnya hiita looc, haauto hĩ ꞌmũũnĩ ꞌcĩg arurra ngõõtĩ nga hibbiirito.

Terethiinit 8:10

Ma baa adtahĩ aajĩlõ ꞌcĩ ĩĩn iyyio tũũrĩ cĩnnĩ ho, udhukia mũꞌnyaac umwaa cobbi ꞌrĩng ꞌcĩ alanyĩt aaĩ hĩ batarria nẽ udhuhoothĩk hidiowwẽẽn hĩ ũꞌngĩ cĩggĩĩng ĩĩcĩ odoyyii.

Terethiinit 8:12

Ma baa adtak aajĩlõ ꞌcĩ ĩĩn ꞌwec tũũrĩ cĩnnĩ ho, ikia ammanyanĩ lanyit cĩ korro ĩĩcĩ odoyyii nẽ ammanyanĩ lanyit cĩ nyĩlooho buúk ĩĩcĩ odoyyii nẽ iita ammanyattĩ mũnyũnya ũgẽẽgĩ buúk ĩĩcĩ odoyyii nẽ iita ĩĩtõ nẽẽg vẽlẽk muguur ĩĩcĩ odoyyii. Ma baa waath, aitiõõ kõrra hõllõngaa aara ꞌthaaꞌnya ꞌwec nẽ aitiõõ nyĩlõhĩ buúk hõllõngaa aara baal ꞌthaaꞌnya ꞌwec.

Terethiinit 8:2

Nẽ hĩcĩna aajĩlẽẽt ꞌcĩg ĩĩn tũkĩramma abĩlĩ muumaa cĩ Nyekuci ho, ngaatĩ aaꞌnyĩhõõthĩkĩ tũũrẽna hõdẽĩ hõdẽĩ.

Terethiinit 9:2

Ma baa abbuuk nẽẽ hattũũg cĩ ꞌlook nicci ho, aluba bũrrẽtĩ umwaa cobbi gẽrrẽẽt ꞌcĩ aaĩ hĩ gõõng atũũthĩ mõrõ cobbi nẽ ikia ũtũhũ bũrrẽtĩ kõr hĩ ngõõt hĩĩtõ muguur.