Terethiinit 8:3 - ꞌBuuk cĩ Thõõth cĩ Nyekuci

³ Ma ho, uppwaanna aajĩlõ umwaa ꞌcĩ aꞌnyaha lohilihili ꞌcĩ ẽhẽnytaa ꞌdaaba ꞌcĩ ĩwaadini mõhõõkac nẽ ikia ĩbĩl altaarĩa. Baa aaꞌnyĩhoothĩk aajĩlõ mõhõõkacĩ ꞌcĩ maka ꞌcĩ ĩĩn ꞌbaaninit hĩ laiinit cĩ eet cĩg Nyekuci altaarĩaa ꞌcĩ ĩĩn ꞌdaab, muumaa cĩ dtaaba cĩ Makayyiookto.

Terethiinit 8:3 Iomraidhean Croise

ꞌLuuka 1:10

Baa nga ĩwaaddi mõhõõkacĩ, baa abĩlĩ lothippiti cobbi gẽrrẽẽt alayyi battaala.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 9:4

Aꞌnyak nĩngĩtĩ ciee altaarĩ ꞌcĩ ĩĩn ꞌdaab ꞌcĩ ĩwaadini mõhõõkacĩ nẽ aꞌnyak cadduk ꞌcĩ ĩĩn ꞌdaab cĩ lohoto. Nẽ cadduha ĩĩtõ, aꞌnyak hutuba ꞌcĩ ĩĩn ꞌdaab ꞌcĩ abbĩꞌthĩĩ ꞌgẽẽn ꞌcĩ haĩ manna, nẽ baa aaĩ hĩbahĩtĩ cĩ Arõõnẽ ꞌcĩ appuuha bõllõõk, nẽ aauto biyyiẽẽna cĩg lõhõtaak tõõ.

Terethiinit 10:1

Nẽ hudtuuha aajĩlõ umwa ꞌcĩ attiran gẽrrẽẽt ꞌcĩ alluuccia hẽẽtahujjieen aku loota. Baa ammũta ĩnõõnnõ diith nẽ ohoorranoothĩk tõõlõngẽẽcĩ õõ cĩnnĩ. Baa aara muum cĩnnĩ haau hĩ kõrra nẽ aꞌnyak ꞌthoo ꞌcĩg aattĩg hĩ lanyit cĩ ꞌgwoyyio.

Terethiinit 14:18

Ma uruta, uduhuna aajĩlõ umwaa altaarĩa, ꞌcĩ aꞌnyak ꞌtirrian ꞌcĩ aggamĩ ꞌgwoo ꞌcĩ aruhi looc nẽ uduhaak aajĩlõ umwa ĩĩnnĩk, “ꞌTiha thẽrẽthẽrẽ cunni ꞌcĩ ꞌlẽhẽdĩ hataa nẽ ajanĩ hẽẽn cĩg viinoaak loota nĩnga, hĩnĩngĩtĩ ibbiirito.”

Terethiinit 5:8

Ma baa aggama nẽẽ ꞌbuuk nicci ho, uruhit hẽlẽggĩ ꞌcĩg arũgĩ ĩĩn ꞌwec hĩ makayyiook ꞌcĩg ĩĩn hẽẽn ꞌramma hĩ ꞌwec ko, looc nẽ akattieek Mĩꞌnyõõn huruꞌnyia. Baa aꞌnyak nẽẽg vẽlẽk addungẽẽt hĩ lohilihilit ꞌcĩg ĩĩn ꞌdaab, ꞌcĩg abbĩꞌthĩĩ mõhõõkacĩ ꞌcĩ ĩĩn laiinit cĩ eet cĩg Nyekuci.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.

Terethiinit 7:2

Ma nĩngaata, hĩcĩna aajĩlõ umwa ꞌcĩ aku ĩĩcĩ uruto, ꞌcĩ aꞌnyak ꞌgiimwa cĩ Nyekuc ꞌcĩ arũgĩ, ꞌcĩ ammacaaranĩ eet. Ma ho, eggerenyeek aajĩlẽẽt ꞌcĩg ĩĩn ꞌwec baag aaꞌnyĩhoothĩk ꞌtirriani ꞌcĩ aruhi looc hĩ bũlũc ĩĩnnĩk,

Terethiinit 8:4

Nĩngĩtĩ ĩꞌngaannĩ bũrrẽtĩ cĩ mõhõõkacõõ hĩ laiinit cĩ eet cĩg Nyekuci, athĩnĩĩ cĩg aajĩlõ nicci nẽ õtõd ũũk hẽẽtahujjieen muumaa cĩ Nyekuci.

Terethiinit 8:5

Ma nĩngaata, ittiha aajĩlõ lohilihili cĩ mõhõõkacõõ nẽ ũttũhũla ꞌgwoo altaarĩa nẽ ammarkiihak looc. Ma ho, ikia ẽggẽrẽny tammu nẽ ammad gẽrrẽẽt hĩ hirihidtik cobbi ꞌcĩ õmmõõnnĩ looc vẽlẽk.

Terethiinit 9:13

Ma ho, adtak aajĩlõ ꞌcĩ ĩĩn tõrkõnõn tũũrĩ cĩnnĩ, nẽ hĩthĩha molook ꞌcĩ õthõõth õttõõnnĩĩ ꞌcĩg ĩĩn ꞌwec ĩcĩg altaarĩ ꞌcĩ ẽhẽnytaa ꞌdaaba, ꞌcĩ abĩlĩ muumaa cĩ Nyekuci.