Terethiinit 8:10 - ꞌBuuk cĩ Thõõth cĩ Nyekuci

¹⁰ Ma baa adtahĩ aajĩlõ ꞌcĩ ĩĩn iyyio tũũrĩ cĩnnĩ ho, udhukia mũꞌnyaac umwaa cobbi ꞌrĩng ꞌcĩ alanyĩt aaĩ hĩ batarria nẽ udhuhoothĩk hidiowwẽẽn hĩ ũꞌngĩ cĩggĩĩng ĩĩcĩ odoyyii.

Terethiinit 8:10 Iomraidhean Croise

Maatteeo 25:1

“Kõr niccia, aaĩ hatĩ habuccieet cĩ hẽẽtkujjieen hĩ thõõth ꞌcĩ baa ꞌjiaatĩn umwa, õõĩ buheeci õmmõtõ ꞌlõõmẽẽt cĩg ngõõrrak, hõõt homottio hĩ nyattaraan umwa nyahũũtaawa.

ꞌLuuka 10:18

Ẽdẽcĩ Yeesu ĩhõõggõ anneek, “Baa ꞌthẽk hacini naa buúk ngaatĩ adhukiaanĩ ꞌThĩttaanĩ hẽẽtahujjieen hĩ tammu ꞌcĩ ammadĩ thõng.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 12:4

Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Terethiinit 14:7

Baa ẽggẽrẽny aajĩlõ ciee gẽrrẽẽt aĩ, “Itingolli Nyekuc nẽ alaac ĩnõõnnõ! Õbõhĩ kõrra ꞌcĩ aku ẽttẽẽdĩ nẽẽ thooꞌthiok cĩg eetuk. Alaac ĩnõõnnõ, hĩnĩngĩtĩ baa ẽhẽnyta nẽẽ hẽẽtkujjieen hĩ looc, hĩ bũlũccwa hĩ hidiowwẽẽn vẽlẽk.”

Terethiinit 16:4

Ma hĩdĩĩkoothong, ũnũẽẽhĩ aajĩlõ ꞌcĩ ĩĩn iyyio ĩcĩĩdak mooriꞌthiook cĩg lohilihili cĩnnĩ, liilliohĩ vẽlẽk ĩcĩg arik loota nĩnga. Ma ho, utuhuyyi maama liilliohĩ vẽlẽk hĩĩtõ biyyi.

Terethiinit 6:13

Ma ho, udhukta mũnyũnya hiita looc, haauto hĩ ꞌmũũnĩ ꞌcĩg arurra ngõõtĩ nga hibbiirito.

Terethiinit 8:7

Ma baa adtahĩ aajĩlõ ꞌcĩ oou tũũrĩ cĩnnĩ ho, adhukiaa hinnia tẽllẽẽna hĩ ꞌgwoo ꞌcĩ õꞌngõõtanni hĩ biyyi, hiita loota nĩnga nẽ ũtũũthĩ lõõcĩ ĩĩcĩ odoyyii hĩ hẽẽn hĩ arteenit vẽlẽk hĩĩ ꞌthĩĩ.

Terethiinit 9:1

Ma baa adtak aajĩlõ ꞌcĩ ĩĩn ꞌtur tũũrĩ cĩnnĩ, hadtuuha hinnia mũꞌnyaac ngaatĩ adhukiaanĩ hẽẽtahujjieen hikia loota. Nẽ baa aaꞌnyĩhoothĩk mũꞌnyaac nicci mũhũta cĩ ꞌgõõl ꞌcĩ aduhun ꞌloohatõõ ꞌcĩ uuthik hiꞌthihi dtuurnanĩt.

Terethiinit 9:15

Nĩngĩtĩ õõganĩ nẽẽ aajĩlẽẽt ꞌcĩg ecebbi ĩĩn ꞌwec ko nẽ ũkũmattoothĩk ꞌthaa niccia kõr tĩho, nyĩlõk hĩ irkit niccia noho, hátĩ hiita huruhit eet cĩg lootu ĩĩcĩ odoyyii.

Terethiinit 9:18

Baa aruk ꞌgwaa hĩ bũrrẽt hĩ ꞌgelemit ꞌcĩ aaburii padtahac ꞌcĩ uudaha nyangõõllẽẽꞌnya niccieeg ko, eet ꞌcĩg mẽẽlĩg loota nĩnga ĩĩcĩ odoyyii.