Terethiinit 7:4 - ꞌBuuk cĩ Thõõth cĩ Nyekuci

⁴ Ma nĩngaata, hikia hĩthĩha lothippit cĩ eet ꞌcĩg amacaaranni muumti ho. Ĩĩn nẽẽg vẽlẽk aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg eberriaa hattũũgẽtĩĩ cĩg eet cĩg Ĩꞌthĩraẽlĩ.

Terethiinit 7:4 Iomraidhean Croise

ꞌThianaattõ 15:5

Ma nĩngaata, ũũhĩ Nyekuci Abũraamõ battaala nẽ ĩĩnnĩk, “Deenyoth da nõõ hẽẽtkujjieen nẽ má ũũlũ ngaatĩ occa agiili mũnyũny, occa thĩ hatĩ agiili lõhõlĩ ꞌcĩg hõkõ haaꞌnyii naa nganiit ko buúk.”

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

ꞌLuuka 14:22

“Ma baa õbõda dticciannioohiti ho, ikia uduhaak makayyioohit ĩĩnnĩk, ‘Makayyioohit, hĩdĩmana hĩaa aduha niina, nẽẽthĩ, nga maka nĩngĩtĩ ꞌcĩ occa aattiyyi eeta ũgẽẽgĩ.’

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

Dtiicanĩ cĩg ꞌThooyyiahu 26:7

Ĩĩn ciee thõõth ꞌcĩ baa adukiaa ꞌcĩ ꞌyioko ẽrẽ habuccieeꞌnya cĩggaac ĩĩn õmmõtõ hĩ ꞌramma ho, baa adiim acĩn nẽẽg hedeeꞌnyia, hĩcĩ arrĩcana nẽẽg ngaatĩ adticanõõthĩkĩ Nyekuc waathĩn hĩ baalin. Habuu, addangaaka nganĩĩt eeta cĩg ꞌJudeei, hĩnĩngĩtĩ muhẽẽnĩt icci abũnnaa ho.

ꞌRooma 9:27

Baa ẽggẽrẽny põrõvẽtaacĩ Iꞌthaia, hĩnĩngĩtĩ eet cĩg Ĩꞌthĩraẽlĩ aĩ, “Tananga hĩĩtõ mẽẽlĩg lohollia cĩg Ĩꞌthĩraẽlĩ haauto hĩ hathaac ꞌcĩ aaĩ dẽmẽtaa cĩ bũlũcõ, eelliaa hatĩ ꞌcĩg idiongan ꞌcĩg abadtẽc diooni.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

Terethiinit 14:1

Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 7:5

Baa ammacaaranni eeta alibnya õmmõtõ hĩ ꞌramma (12,000) habuccieetaa cĩ ꞌJuuda. Nẽ ammacaarattĩ eeta alibnya õmmõtõ hĩ ꞌramma (12,000) habuccieetaa cĩ ꞌRuubenĩ. Ammacaaranni tarĩ eeta alibnya õmmõtõ hĩ ꞌramma (12,000) habuccieetaa cĩ ꞌGaadĩ.

Terethiinit 9:16

Nẽ ngaatĩ hathĩknĩ, baa agiili ũrũtana cĩg nyangõõllẽẽꞌnya ꞌcĩg joraak ĩĩn millioꞌnya ꞌmiiaꞌnya ꞌramma (200,000,000).