Terethiinit 7:2 - ꞌBuuk cĩ Thõõth cĩ Nyekuci

² Ma nĩngaata, hĩcĩna aajĩlõ umwa ꞌcĩ aku ĩĩcĩ uruto, ꞌcĩ aꞌnyak ꞌgiimwa cĩ Nyekuc ꞌcĩ arũgĩ, ꞌcĩ ammacaaranĩ eet. Ma ho, eggerenyeek aajĩlẽẽt ꞌcĩg ĩĩn ꞌwec baag aaꞌnyĩhoothĩk ꞌtirriani ꞌcĩ aruhi looc hĩ bũlũc ĩĩnnĩk,

Terethiinit 7:2 Iomraidhean Croise

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 26:63

Baa aalla Yeesu ĩjjaaki kim. Nĩngĩtĩ annẽẽkĩ paadĩrĩ cobbi ho ĩnõõnnõ, “Hajinnii naa nganiit ꞌthaarĩĩ cĩg Makayyioohit Nyekuc ꞌcĩ aalla arũgĩ ũdũt hanneekii, duhaaheet da hatĩ ĩĩnĩ nii Krĩstõ Ngeertĩ Nyekuci dĩdĩ.”

Yõaannẽ 6:27

Ma harrĩcanaannu dtiic, hĩnĩngĩtĩ ꞌgẽẽn ꞌcĩ ugguba, nẽẽthĩ, ĩrrĩcatta dtiic ꞌcĩ aꞌnyak rũgẽt ꞌcĩ aalla ũdũt, ꞌcĩ hatĩ aaꞌnyuung Ngeertĩ Eeto ngagiita. Baa aaꞌnyĩk Maaꞌnyia Nyekuci ĩnõõnnõ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta.”

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

2 Timotteeo 2:19

Nẽẽthĩ, abĩlĩ thõõth ꞌcĩ Nyekuci õkõmĩ kak, aꞌnyũũgĩ nẽ ẽtẽhẽẽdĩ battaala thõõth ꞌcĩ aĩ, “Aga Makayyioohiti eet cĩgĩnnĩg.” Nẽ, “Eeta ꞌcĩg aĩ hĩĩgĩnna eet cĩg Makayyiooktak, aꞌnyĩĩk hũtũngteek thooꞌthiok ꞌcĩg ĩĩn ꞌthẽccan.”

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

Terethiinit 1:3

Aggatan hatĩ Nyekuci eet vẽlẽk ꞌcĩg agiilik ꞌgõõnõgĩ thõõth ꞌcĩ aduha Nyekuci ꞌbuuhaa cĩ ho nẽ aggatan hatĩ Nyekuci eet ꞌcĩg athĩhĩ nẽ elemit thõõth ꞌcĩ adukiaa ꞌbuuhaa cĩ. Õbõhĩ kõrra ꞌcĩ hatĩ au edeeꞌnyianĩ thooꞌthioha cieeg vẽlẽk.

Terethiinit 10:1

Nẽ hudtuuha aajĩlõ umwa ꞌcĩ attiran gẽrrẽẽt ꞌcĩ alluuccia hẽẽtahujjieen aku loota. Baa ammũta ĩnõõnnõ diith nẽ ohoorranoothĩk tõõlõngẽẽcĩ õõ cĩnnĩ. Baa aara muum cĩnnĩ haau hĩ kõrra nẽ aꞌnyak ꞌthoo ꞌcĩg aattĩg hĩ lanyit cĩ ꞌgwoyyio.

Terethiinit 10:4

Ma baa ĩbĩlĩt molookwaana cĩg bõrõhẽẽn ꞌcĩg ĩĩn tũkĩramma ho nẽ haĩ hẽtẽhẽẽd thõõth ꞌcĩ aduha nẽẽg ko loota, anneeka hinnia mõlõõhĩ umwaa hẽẽtahujjieen nẽẽ, “Ma heheedi thooꞌthiok nicciag loota, migithõõĩ.”

Terethiinit 16:12

Ma nĩngaata, ikia udduutik aajĩlõ ꞌcĩ ĩĩn tõrkõnõn lohilihili cĩnnĩ lĩĩlaa cobbi ĩĩcĩ Euvaratẽthĩ, nĩngĩtĩ õdõhõknĩ lĩĩl ciee, hĩĩ ꞌgõõl ꞌcĩ ovvooyyianĩ habuẽẽta ꞌcĩg au ĩĩcĩ uruto.

Terethiinit 5:2

Nẽ tarĩ hĩcĩna aajĩlõ cobbi ꞌcĩ attiran gẽrrẽẽt ꞌcĩ ẽggẽrẽny aĩ, “Nganĩ ꞌcĩ ũũlũ ngaatĩ avvahanĩ ꞌbuuk icci adili ho nẽ ubbuuha?”

Terethiinit 8:3

Ma ho, uppwaanna aajĩlõ umwaa ꞌcĩ aꞌnyaha lohilihili ꞌcĩ ẽhẽnytaa ꞌdaaba ꞌcĩ ĩwaadini mõhõõkac nẽ ikia ĩbĩl altaarĩa. Baa aaꞌnyĩhoothĩk aajĩlõ mõhõõkacĩ ꞌcĩ maka ꞌcĩ ĩĩn ꞌbaaninit hĩ laiinit cĩ eet cĩg Nyekuci altaarĩaa ꞌcĩ ĩĩn ꞌdaab, muumaa cĩ dtaaba cĩ Makayyiookto.

Terethiinit 9:14

Nẽ ĩĩnnĩk mõlõõhĩ nicciee aajĩlõ ꞌcĩ adtak tũũrĩ ho, “Õga aajĩlẽẽt ꞌcĩg ĩĩn ꞌwec ecebbi dẽmẽtaa cĩ hidioo cĩ Euvaratẽthĩ ho.”

Terethiinit 9:4

Baa adukiaak ꞌgirooc nicci thõõth ꞌcĩ aĩ, ma hegeyyu arteenit hode hẽẽn hĩ hẽlẽggĩ vẽlẽk ꞌcĩg abũtha, abũnnaa ĩccaayyu eet ꞌcĩg hõllõngaa aꞌnyak nyamacaar cĩ Nyekuci muumtinii cĩggĩĩng.