Terethiinit 7:17 - ꞌBuuk cĩ Thõõth cĩ Nyekuci

¹⁷ Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”

Terethiinit 7:17 Iomraidhean Croise

Maatteeo 2:6

“ ‘Niig eeta cĩg Bẽtẽlẽmĩ looccaa cĩ ꞌJudeea, iiginnu niig tiirik gẽrrẽẽt ꞌtaaũnnioohĩĩ cĩg ꞌJudeea vẽlẽk. Aku hatĩ ẽẽtĩ ꞌcĩ ĩĩn habu ꞌtaaũnaa cunuung ko. Ĩĩn hatĩ nẽẽ tũhayyioohit cĩ eet cĩgannĩg Ĩꞌthĩraẽl.’ ”

Maatteeo 5:4

ꞌGattan hĩ eet ꞌcĩg alu, amammaayanni hatĩ nẽẽgĩ!

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 10:14

“Hĩĩnĩ naa tũhayyioohit ꞌcĩ abũnnaa. Haga naa aꞌtha cĩgannĩg nẽ agayyia aꞌtha cĩgannĩg buúk nganĩĩta.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 4:11

Ẽdẽcĩ ngaa nicciee Yeesu anneek, “Ẽẽtĩ cieeni, aitioonni nõõ uhucu ꞌcĩ adtĩĩlanĩ maam tõõ nẽ uuthik wĩĩtanẽẽcĩ thõng buúk, attiha occa hatĩ maam ꞌcĩg aaꞌnya rũgẽt ko ngaana?

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

Terethiinit 14:4

Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 21:4

Attũmũny hatĩ Nyekuci tilaalõ vẽlẽk hẽbẽrẽẽnnĩĩ cĩggĩĩng. Nẽ hatĩ iittiõõ ẽẽtĩ ꞌcĩ nga ommoꞌthi, hode accananni hode alu hode adaahĩ tarĩ tõõ, hĩnĩngĩtĩ iꞌngittõõthĩ hẽlẽggĩ cieeg baag oou ho vẽlẽk ũdũt.”

Terethiinit 21:6

Nẽ õthõõthahaa tarĩ ĩnnĩhaa, “Edeccia dtiici! Iꞌthianaanĩ hẽlẽggĩ vẽlẽk hĩ nganĩĩta nẽ adtuurnik hĩ nganĩĩta. Haaꞌnyihi hatĩ naa eet ꞌcĩ aam kõrra hũhũd maam cĩg rũgẽt ꞌcĩ aalla ooo, hõllõngaa ũũta thõng buúk.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.