Terethiinit 7:13 - ꞌBuuk cĩ Thõõth cĩ Nyekuci

¹³ Ma nĩngaata, ikia ijina makayyioohiti umwaa eetinii ꞌcĩg ĩĩn hẽẽn ꞌramma hĩ ꞌwec ko ĩnnĩhaa, “Eet ꞌcĩg nganĩ niccieeg ahimti ceremwaanĩĩ ĩcĩg õõppẽr ko? Au eeta niccieeg ĩĩna?”

Terethiinit 7:13 Iomraidhean Croise

ꞌThianaattõ 16:8

Nẽ ijin aajĩlõ ĩnõõnnõ ĩĩnnĩk, “Hagaar, dticciannioohit cĩ Tharaĩ, akuu hatĩ nii ngaati hutuno?” Ẽdẽcĩ Hagaarĩ anneek, “Ĩtĩkĩĩanaa thõõth cĩ õlõ cĩ Tharaĩ.” Nĩngĩtĩ ajini aajĩlõ nicciee ĩnõõnnõ tarĩ annẽẽkĩ, “Õkõ ꞌyioko nii ĩĩna?”

Yõaannẽ 7:28

Ma baa nga alliman Yeesu eet halaangatõõ cĩ ꞌCieeth cĩ Nyekuci, ikia ẽggẽrẽny nẽẽ ĩĩ, “Ammuku niig ainnu agayyiaangu nganĩĩt nẽ agayyu nĩngĩtĩ hakuuni naa ho? Baa hõllõngaa hakuu naa ẽmmẽn! Baa ĩꞌthõõannaa nganĩĩt ẽẽtĩ ꞌcĩ ĩĩn dĩdĩ nẽ hõllõngaa agayyu niig ĩnõõnnõ.

Dtiicanĩ cĩg ꞌThooyyiahu 3:12

Ma adtuuha Pẽẽtũrũ lothippit ko, ĩĩnnĩk, “Niig eeta cĩg Ĩꞌthĩraẽlĩ, akuleeku ꞌjieen inni? Akanneetu ngagĩĩt hẽbẽrĩ haautta hĩcĩ ĩĩn ꞌtirrian cĩnaang ꞌcĩ haaꞌnyĩka tuhuulliahit icci hõtõ ho inni?

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.

Terethiinit 4:10

Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc ꞌcĩ aaĩ dtaabawa nẽ ĩĩn nẽẽ Nyekuc ꞌcĩ aalla ooo. Nẽ itikta tẽmẽdẽhĩt cĩggĩĩng aarrik loota muumaa ꞌcĩ dtaaba nicci nẽ ĩĩtõ,

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 5:11

Ma tarĩ ho, hĩthĩha molook cĩ aajĩlẽẽt ꞌcĩg mẽẽlĩg ꞌrĩĩng ꞌcĩg ĩĩn aalibꞌnya hĩ millioꞌnya, ebenni nẽ irriamatteek dtaaba cobbi ho, hĩ hẽlẽggĩ ꞌcĩg ĩĩn ꞌwec ꞌcĩg arũgĩ ho, hĩ makayyiook ꞌcĩg ĩĩn hẽẽn ꞌramma hĩ ꞌwec ko.

Terethiinit 5:5

Ma ho, õthõõthahaa makayyioohiti umwaa hõrggẽẽnaa cĩ makayyiook ꞌcĩg ĩĩn hẽẽn ꞌramma hĩ ꞌwec ko ĩĩnnĩhaa, “Ma halu! Cĩĩn nõõnĩ, aaĩ ẽẽtĩ ꞌcĩ attiran ꞌcĩ haĩ ꞌMaa, ĩnõõ Yeesu ꞌcĩ arrittiaa habuccieetaa cĩ ꞌJuuda, hattũũgaa cĩ habu Daavide ꞌcĩ ĩllõõana. Ĩnõõnnõ dioo ꞌcĩ occa aga ngaatĩ avvahanĩ ꞌbuuk ꞌcĩ adili ꞌgoolliok tũkĩramma ho nẽ ubbuuha.”

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.