Terethiinit 6:8 - ꞌBuuk cĩ Thõõth cĩ Nyekuci

⁸ Hĩcĩnootha looc hẽẽtahujjieen nẽ hudtuuha nyangõõllẽẽ ꞌcĩ ꞌthõllĩ. Haĩ ꞌthaar cĩg ꞌthukanniooktak, Daahĩth nẽ ũnũa Habuccieet cĩ Daahĩthõõ ĩnõõnnõ uruta. Baa aaꞌnyĩhoothĩk ĩhõõggõ makaaꞌthĩt ꞌcĩ aggamĩ dhoorit ꞌcĩ abadtẽc loota nĩnga nẽ uruhit eet nyetubooꞌnyanĩ hĩ magĩꞌthiõõhĩ hĩ mooriꞌthioohĩ nẽ uruhit eet hẽlẽggẽẽnnĩĩ ꞌcĩg arũgĩ ĩcĩg moru.

Terethiinit 6:8 Iomraidhean Croise

Maatteeo 11:23

Nẽ niig eeta cĩg Kapernaumĩ, ammuku niig ainnu odongiinnu hatĩ niig õdõlanit hẽẽtkujjieen? Aitiõõ, ooyyu hatĩ niig looccaa cĩ daakiahu. Má baa hĩdĩmattĩ thooꞌthioha baag ĩnaat eeta ꞌtaaũnaa cunuung, ꞌtaaũnaa cĩ ꞌThõõdõmĩ, occa ꞌyioko nga aaĩ ꞌtaaũnĩ niccia hĩĩ noho.

Maatteeo 24:7

Aruhõõ hatĩ loonyina hĩ loonyin nẽ urukto habuccieeꞌnya hĩ habuccieeꞌnya. Aku hatĩ nyarõnĩ nẽ õmmõõnnĩ hatĩ hirihidtihi looc loonyinii ꞌcĩg mẽẽlĩg.

1 Korinthia 15:55

“ꞌTirrian cĩ daahĩthõõ ho inoo? Ũũk kẽddanĩ cĩ daahĩthõõ ho ĩĩna?”

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 12:4

Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Terethiinit 9:15

Nĩngĩtĩ õõganĩ nẽẽ aajĩlẽẽt ꞌcĩg ecebbi ĩĩn ꞌwec ko nẽ ũkũmattoothĩk ꞌthaa niccia kõr tĩho, nyĩlõk hĩ irkit niccia noho, hátĩ hiita huruhit eet cĩg lootu ĩĩcĩ odoyyii.

Terethiinit 9:18

Baa aruk ꞌgwaa hĩ bũrrẽt hĩ ꞌgelemit ꞌcĩ aaburii padtahac ꞌcĩ uudaha nyangõõllẽẽꞌnya niccieeg ko, eet ꞌcĩg mẽẽlĩg loota nĩnga ĩĩcĩ odoyyii.