Terethiinit 6:6 - ꞌBuuk cĩ Thõõth cĩ Nyekuci

⁶ Nẽ hĩthĩha molook ꞌcĩ aku hõrggẽẽnaa cĩ hẽlẽggĩ ꞌcĩg arũgĩ ĩĩn ꞌwec ko nẽ õthõõth ĩĩ, “Ũũppan lokirriaacĩ cĩ ꞌgẽẽmẽ cĩ dtiic cĩ kõr hõdẽẽthõng hode lokirriaaꞌnya iyyio cĩg haal ꞌcĩg haĩ ꞌbarli, dũman cĩ dtiic ꞌcĩ õkõmĩ cĩ kõr hõdẽẽthõng. Nẽ ma hurangannu ngõõrrõ cĩ olivi hode cĩ viinoo.”

Terethiinit 6:6 Iomraidhean Croise

Maatteeo 24:7

Aruhõõ hatĩ loonyina hĩ loonyin nẽ urukto habuccieeꞌnya hĩ habuccieeꞌnya. Aku hatĩ nyarõnĩ nẽ õmmõõnnĩ hatĩ hirihidtihi looc loonyinii ꞌcĩg mẽẽlĩg.

Terethiinit 4:6

Nẽ ĩĩcĩ muum cĩ dtaaba nicci, attalĩth ꞌgiimwa ꞌcĩ aĩ ꞌthalak ꞌthalak hĩ maama cĩg hidiowwaak. Nẽ irriamaneek dtaaba nicci hẽlẽggĩ ũgẽẽgĩ ꞌcĩg arũgĩ ĩĩn ꞌwec, ꞌcĩg aꞌnyak hẽbẽrĩ muumtini hĩ ĩĩcĩ deeccwaanu vẽlẽk.

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”

Terethiinit 7:3

“Ereeyyio da nõõ, ma hẽꞌthẽcannu looc hĩ bũlũc hĩ hẽẽna, ĩꞌthõng hamacaaratta muumti cĩg dticcianniook cĩg Nyekuci.”

Terethiinit 9:4

Baa adukiaak ꞌgirooc nicci thõõth ꞌcĩ aĩ, ma hegeyyu arteenit hode hẽẽn hĩ hẽlẽggĩ vẽlẽk ꞌcĩg abũtha, abũnnaa ĩccaayyu eet ꞌcĩg hõllõngaa aꞌnyak nyamacaar cĩ Nyekuci muumtinii cĩggĩĩng.