Terethiinit 6:2 - ꞌBuuk cĩ Thõõth cĩ Nyekuci

² Ma ho, hĩcĩna ꞌthukannioohit cĩ nyangõõllẽẽ ꞌcĩ õõrĩ, aꞌnyak irigi nẽ itihim temedek ꞌcĩ baa aaꞌnyĩhoothĩk ĩnõõnnõ nẽ nga adiim ngaatĩ ĩllõõanĩ noho.

Terethiinit 6:2 Iomraidhean Croise

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

1 Korinthia 15:25

Hĩnĩngĩtĩ aggam hatĩ nẽẽ looc ĩꞌthõng haathĩk mĩrõk cĩgĩnnĩg vẽlẽk looc.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 11:18

Baa alĩĩllĩ eeta cĩg loonyin vẽlẽk nẽ ikia iliiliuu nii buúk! Nẽ ꞌyioko, ikia kõrra ꞌcĩ etteedini thooꞌthioha cĩg daakiahu. Nẽ ikia kõrra ꞌcĩ aaꞌnyĩkĩĩ nii dticcianniook cugunnig ꞌcĩg ĩĩn põrõvẽtaaꞌnya ꞌbaaninit, hĩ eet vẽlẽk baag adĩhĩth ꞌthaar cugunnig, eetinii ꞌcĩg kidicig hĩ ĩcĩg obbitig vẽlẽk. Ikia kõrra ꞌcĩ aruhi Nyekuci eet vẽlẽk baag acũda looc.”

Terethiinit 14:14

Ma ho, hudtuuha eet umwa ꞌcĩ aaĩ hĩ Ngeertĩ Eeto, iccioloongan diithaa ꞌcĩ õõppẽr nẽ itihim temedek ꞌcĩ ĩĩn ꞌdaab nẽ aggam thẽrẽthẽrẽ cĩ janiitto attiaa cĩnnĩ.

Terethiinit 15:2

Ma ho, hudtuuha ꞌgiimwa ꞌcĩ attalĩth aaĩ hĩ gĩlaathĩ ꞌcĩ maka ĩĩkĩ bũlũc nẽ õꞌngõõtanoothĩk hĩ ꞌgwoo. Baa abĩlĩ eeta baag ĩllõõan nyaharahaak hĩ ꞌthooura hĩ ꞌliimira ꞌcĩ ẽtẽrꞌtha ꞌthaar cĩg nyaharahaahõ, gĩlaathaa ꞌcĩ maka ĩĩkĩ bũlũc ko. Baa aggam nẽẽg vẽlẽk addungẽẽt, ꞌcĩg baag aaꞌnyĩk Nyekuci ĩhõõggõ.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 19:14

Nẽ baa anũ ĩnõõnnõ ũũrũtana ꞌcĩg au hẽẽtahujjieen, ꞌcĩg aꞌthuhan nyangõõllẽẽꞌnya ꞌcĩg õõrĩg nẽ itihimit ceremwa ꞌcĩg õõppẽr ꞌcĩg anyũttĩĩ.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.

Terethiinit 9:7

Baa aaĩ ꞌgirooc nicciee hĩ nyangõõllẽẽꞌnya ꞌcĩg akũmanoothĩk õõ jora nẽ baa ahimit nẽẽg vẽlẽk tẽmẽdẽhĩt ꞌcĩg ĩĩn ꞌdaab nẽ aꞌnyahit muumti ꞌcĩg aattĩg hĩcĩg eetuk.