Terethiinit 6:12 - ꞌBuuk cĩ Thõõth cĩ Nyekuci

¹² Ma baa awaanyan Mĩꞌnyõõn doolliang ꞌcĩ ĩĩn tõrkõnõn ko, ikia uluba hirihidtihi cobbi gẽrrẽẽt nẽ ũtũhũĩ kõrra hĩĩ hollia haau hĩ cẽrẽm ꞌcĩ holliẽẽnĩ nẽ ũtũhũĩ nyĩlõhĩ hĩĩ marik, hudukto hĩ biyyi.

Terethiinit 6:12 Iomraidhean Croise

Maatteeo 11:21

“Pĩĩrnanĩt hĩ ngagiit eet cĩg Korathini hĩ cĩg Beꞌthaida. Má baa hĩĩ ꞌcĩ hadticanĩĩ naa thooꞌthiok baag ĩnaat eeta ꞌtaaũnnioohĩĩ cugguung, hĩĩ ꞌcĩ baa hadticanĩĩ ꞌtaaũnnioohĩĩ ꞌcĩg abathĩ ĩĩcĩg ꞌTire hĩ ꞌThidõõnẽ, occa ꞌyioko baa ũtũngteek nẽẽg ꞌthẽccanẽẽt cĩggĩĩng baa hũnũũk nẽ itihimit ceremwa cĩg ulwaanak nẽ ujuhanit hatiꞌtheet ootinii cĩggĩĩng, hĩĩ terethiinit ꞌcĩ edeethini nẽẽg ꞌthẽccanẽẽtĩĩ cĩggĩĩng.

Maatteeo 24:29

Õbõdẽẽkĩ Yeesu õthõõth aĩ, “Urutaa cĩ korriook cĩg ꞌcannaanak ko, “ ‘Adaahĩ hatĩ kõrra, hĩ nyĩlõk. Adhukiaa hatĩ mũnyũnya, nẽ õtõmõ hẽẽtkujjieen.’

Maatteeo 24:7

Aruhõõ hatĩ loonyina hĩ loonyin nẽ urukto habuccieeꞌnya hĩ habuccieeꞌnya. Aku hatĩ nyarõnĩ nẽ õmmõõnnĩ hatĩ hirihidtihi looc loonyinii ꞌcĩg mẽẽlĩg.

Maatteeo 27:45

Ma baa aau kõrra lokora, ikia adaak kõrra hĩĩ lõõcĩ muguur ĩꞌthõng hĩ ꞌthaa iyyio.

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

Maatteeo 28:2

Baa aaĩ hirihidtihi umwaa ꞌcĩ attiran gẽrrẽẽt, hĩnĩngĩtĩ baa alluuccia aajĩlõ cĩ Makayyiookto hẽẽtahujjieen nẽ ũũk ĩĩcĩ ꞌloohu. Nĩngĩtĩ aku abĩllĩĩngĩ bẽẽ ꞌcĩ aꞌnyũũgẽnĩ hattũũg cĩ ꞌloohu ho nẽ ũũk iccioloonganĩ thõng.

Maarko 15:33

Ma baa aau kõrra lokora, ikia ĩĩ lõõcĩ muguur ĩꞌthõng hĩĩ ꞌthaa iyyio cĩ ꞌjiaatinu.

Terethiinit 11:13

Ma nĩngaata noho, uluba hirihidtihi cobbi gẽrrẽẽt, ꞌcĩ alib ꞌtaaũn ĩĩcĩ odoyyii hadaahito eeta aalibꞌnya tũkĩramma. Nẽ iita abarritit eeta ũgẽẽgĩ ꞌcĩg baag nga arũgĩ, nĩngĩtĩ abulꞌthĩ nẽẽg Nyekuc ꞌcĩ aaĩ hẽẽtahujjieen, taliittaa cobbi.

Terethiinit 16:18

Ma nĩngaata, ammad lõõcĩ hĩccaaõ bõrõhẽẽcĩ looc nicci vẽlẽk nẽ uluba hirihidtihi buúk cobbi gẽrrẽẽt, ꞌcĩ gõõng nga hikia irkiꞌnyiaannĩ vẽlẽk.

Terethiinit 16:8

Ma ho, udduutik aajĩlõ ꞌcĩ ĩĩn ꞌwec lohilihili cĩnnĩ kõrratõõ nĩngĩtĩ atũũthĩ abuurꞌthet cĩ korro ꞌcĩ aaĩ hĩ ꞌgwaa eet gẽrrẽẽt.

Terethiinit 8:12

Ma baa adtak aajĩlõ ꞌcĩ ĩĩn ꞌwec tũũrĩ cĩnnĩ ho, ikia ammanyanĩ lanyit cĩ korro ĩĩcĩ odoyyii nẽ ammanyanĩ lanyit cĩ nyĩlooho buúk ĩĩcĩ odoyyii nẽ iita ammanyattĩ mũnyũnya ũgẽẽgĩ buúk ĩĩcĩ odoyyii nẽ iita ĩĩtõ nẽẽg vẽlẽk muguur ĩĩcĩ odoyyii. Ma baa waath, aitiõõ kõrra hõllõngaa aara ꞌthaaꞌnya ꞌwec nẽ aitiõõ nyĩlõhĩ buúk hõllõngaa aara baal ꞌthaaꞌnya ꞌwec.

Terethiinit 8:5

Ma nĩngaata, ittiha aajĩlõ lohilihili cĩ mõhõõkacõõ nẽ ũttũhũla ꞌgwoo altaarĩa nẽ ammarkiihak looc. Ma ho, ikia ẽggẽrẽny tammu nẽ ammad gẽrrẽẽt hĩ hirihidtik cobbi ꞌcĩ õmmõõnnĩ looc vẽlẽk.