Terethiinit 6:11 - ꞌBuuk cĩ Thõõth cĩ Nyekuci

¹¹ Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.

Terethiinit 6:11 Iomraidhean Croise

Maatteeo 10:21

“Waathinnioohĩĩ nĩĩcag noho, õhõppõõcan hatĩ ꞌgotonnia ꞌgõtõnĩ huruhi hadaak nẽ õhõppõõcan maaꞌnyia loholeec cĩnnĩ. Aruhõõ hatĩ lohollia hĩ maajihi hĩ ngaaggi haanytĩk hurukti.

ꞌLuuka 15:22

“Othoothĩk hinnia maaꞌnyia dticcianniook cĩgĩnnĩg anneek, ‘Õtõõc hataman, aꞌnyakta cẽrẽm ꞌcĩ ẽllẽẽmĩth gẽrrẽẽt nẽ itihimteehu ĩnõõnnõ. Aarrihi maccĩreenit attiaa nẽ itihimteehu caawa buúk.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

2 Timotteeo 4:7

Baa hidticana naa jore ꞌcĩ abũnnaa, hẽdẽcaaha iret buúk nẽ hũꞌthũũtĩ lemiinit dĩdĩ.

Ebereei 11:40

Baa aaĩ thõõth ciee hoti, hĩnĩngĩtĩ baa iyyiangtheekeet Nyekuci ngagĩĩt ꞌgii ꞌcĩ mẽẽn. Nẽ baa hõllõngaa adiim Nyekuci ĩhõõggõ hõdõlanit rũgẽt ꞌcĩ aalla ooo, nga haitiõõ naag tõõ.

Ebereei 12:23

Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

Ebereei 4:10

Kõr tĩho, iyyioman hatĩ eeta cĩg Nyekuci dtiicanẽẽnnĩĩ cĩggĩĩng, hĩnĩngĩtĩ uduhunit nẽẽg nĩngĩtĩ ꞌyiomman cĩ Nyekuci, hĩ baa iyyioman Nyekuci dtiicaa cĩnnĩ.

Terethiinit 10:6

Nẽ ũbũtan aajĩlõ ꞌthaarĩĩ cĩg Nyekuc ꞌcĩ ẽhẽnyta hẽẽtkujjieen hĩ looc hĩ hẽlẽggĩ vẽlẽk ꞌcĩg arũgĩ ooo ĩĩ, “Iittiõõ Nyekuci hõllõngaa ereeyyi tarĩ.”

Terethiinit 13:15

Ma ho, ẽlẽmaahĩ Nyekuci ĩnõõnnõ hũtũbbeek ꞌlaũk ꞌthooura nicci, hátĩ hõthõõth. Nẽ eeta vẽlẽk ꞌcĩg abũrĩ ngaatĩ alaĩ ꞌthooura nicci, aruhi hadaahito.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.