Terethiinit 6:10 - ꞌBuuk cĩ Thõõth cĩ Nyekuci

¹⁰ Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”

Terethiinit 6:10 Iomraidhean Croise

ꞌThianaattõ 4:10

Nẽ othoothĩk Makayyioohiti Kaiino ĩĩnnĩk, “Ne ꞌyioko ꞌthẽk ꞌcĩ adĩmani nii noho ho? Allweeka nganĩĩt biyyieeta cĩg ꞌgotonoonu loota.

ꞌLuuka 2:29

“Nyekuc Makayyioohit, aꞌnyaa nganĩĩt dticciannioohit cunni hadaak lõꞌngõõc hĩ baa aduha niina,

ꞌLuuka 21:22

Hĩnĩngĩtĩ ĩĩn ciee kõr ꞌcĩ ukẽẽnĩt ꞌcĩ hatĩ aku hĩ baa eheeddi ꞌBuuhaa cĩ Nyekuci baarkit.

ꞌRooma 12:19

ꞌGotoonoga hĩ ngoonoga, ma haruhaannu oolo. Aanytĩk Nyekuc huruha oolo nẽẽnĩ. Aĩ Nyekuci, “Nganĩĩt Nyekuc ꞌcĩ occa haruha oolo.”

Ebereei 12:24

Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

Terethiinit 11:18

Baa alĩĩllĩ eeta cĩg loonyin vẽlẽk nẽ ikia iliiliuu nii buúk! Nẽ ꞌyioko, ikia kõrra ꞌcĩ etteedini thooꞌthioha cĩg daakiahu. Nẽ ikia kõrra ꞌcĩ aaꞌnyĩkĩĩ nii dticcianniook cugunnig ꞌcĩg ĩĩn põrõvẽtaaꞌnya ꞌbaaninit, hĩ eet vẽlẽk baag adĩhĩth ꞌthaar cugunnig, eetinii ꞌcĩg kidicig hĩ ĩcĩg obbitig vẽlẽk. Ikia kõrra ꞌcĩ aruhi Nyekuci eet vẽlẽk baag acũda looc.”

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 18:24

Baa nganiit ꞌcĩ aĩnanaa eet baag ĩĩn põrõvẽtaaꞌnya, hĩ eet ꞌcĩg ẽllẽẽmĩth cĩg Nyekuci, hĩ eet vẽlẽk baag aruhi loota nĩnga, hudduutti biyyieeta loota.”

Terethiinit 19:2

etteedi nii thooꞌthiok ꞌgõõlaa ꞌcĩ aũlan dĩdĩ, hĩnĩngĩtĩ uuku nii ngaa baa ĩĩn ꞌwaaꞌngiahit ꞌcĩ ẽꞌthẽcan looc ꞌwaangĩꞌthẽẽta hĩ ngaaoniitta. Etteedi nii thõõth cĩnnĩ nẽ aaꞌnyĩhuu hũdũman dticcianniook cugunnig baag aruk nẽẽnĩ.”

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.