Terethiinit 5:6 - ꞌBuuk cĩ Thõõth cĩ Nyekuci

⁶ Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.

Terethiinit 5:6 Iomraidhean Croise

ꞌLuuka 1:69

Aaꞌnyeet nẽẽ ngagĩĩt Ellioohit ꞌcĩ attiran gẽrrẽẽt, ꞌcĩ aku habuccieetaa cĩ Daavide dticciannioohit cĩnnĩ,

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 1:36

Ma baa adtuuha nẽẽ Yeesu ngaatĩ õvvõõĩ nĩngaata ho, õthõõth nẽẽ ĩĩ, “Ĩcĩnĩt Mĩꞌnyõõn cĩ Nyekuci!”

Dtiicanĩ cĩg ꞌThooyyiahu 8:32

Baa agiil ꞌgaalacĩ ciee nĩngĩtĩ eheeddi ꞌBuuhaa cĩ Nyekuci aĩ, “Baa anũĩ nẽẽ hĩ aꞌthẽẽtĩ ꞌcĩ õkõ etteeddi thõng. Baa emmeethĩk nẽẽ hĩ mĩꞌnyõõn cĩ aꞌtheeto ꞌcĩ aꞌthudan tũhayyioohiti ĩma.

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 14:1

Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:3

Aitiõõ hatĩ ꞌcĩĩnẽnĩtĩ hõllõngaa aaꞌnyĩk ꞌgiimwa ꞌcĩ abathĩ, haggam eet cĩg ꞌtaaũn nicci. Aalla hatĩ Nyekuci dtaabawaa nĩĩcĩ hĩ Mĩꞌnyõõn buúk nẽ iita eeta vẽlẽk ꞌtaaũnaa nĩĩcĩ, idticattoothĩk ĩnõõnnõ.

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”

Terethiinit 5:11

Ma tarĩ ho, hĩthĩha molook cĩ aajĩlẽẽt ꞌcĩg mẽẽlĩg ꞌrĩĩng ꞌcĩg ĩĩn aalibꞌnya hĩ millioꞌnya, ebenni nẽ irriamatteek dtaaba cobbi ho, hĩ hẽlẽggĩ ꞌcĩg ĩĩn ꞌwec ꞌcĩg arũgĩ ho, hĩ makayyiook ꞌcĩg ĩĩn hẽẽn ꞌramma hĩ ꞌwec ko.

Terethiinit 5:12

Baa ebenni nẽẽg moloohaa cobbi aĩ, “Adiim Mĩꞌnyõõn baa aruhi haggam ꞌtirrian hĩ baliinit hĩ ꞌgẽẽnyĩth hĩ tingoli hĩ bulẽẽnĩt hĩ dĩhĩthẽẽnĩt.”

Terethiinit 5:13

Ma nĩngaata, hĩthĩha hẽlẽggĩ vẽlẽk ꞌcĩg aattĩg hẽẽtahujjieen hĩ loota hĩ ꞌthẽẽmĩtõõ, looccaa cĩ miningu hĩ bũlũccwaanĩtõõ vẽlẽk ebenni aĩ, “Hadihiꞌthii nganiit gẽrrẽẽt ꞌcĩ aaĩ dtaabawa ho hĩ Mĩꞌnyõõn, aꞌnyĩĩk haau dĩhĩthẽẽnĩtĩ hĩ tẽẽlꞌthĩt hĩ bulẽẽnĩt hĩ ꞌtirrian vẽlẽk hĩ nganiit ooo.”

Terethiinit 5:14

Nĩngĩtĩ ẽdẽcĩ hẽlẽggĩ ꞌcĩg arũgĩ ĩĩn ꞌwec ko aĩnnĩ, “Aamẽn!” Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc hĩ Mĩꞌnyõõn.

Terethiinit 6:16

Ma ho, urruuyõĩ nẽẽg muurriok hĩ biyyiẽẽn ĩĩttĩk, “Irribatteetu nẽ utugunyteetu. Ma haaꞌnyiku hĩcĩneet ẽẽtĩ ꞌcĩ iccioloongan dtaabawa nẽ utugunyteetu, hiittiõõ hõllõngaa alĩĩllĩkeet Mĩꞌnyõõna.