Terethiinit 5:13 - ꞌBuuk cĩ Thõõth cĩ Nyekuci

¹³ Ma nĩngaata, hĩthĩha hẽlẽggĩ vẽlẽk ꞌcĩg aattĩg hẽẽtahujjieen hĩ loota hĩ ꞌthẽẽmĩtõõ, looccaa cĩ miningu hĩ bũlũccwaanĩtõõ vẽlẽk ebenni aĩ, “Hadihiꞌthii nganiit gẽrrẽẽt ꞌcĩ aaĩ dtaabawa ho hĩ Mĩꞌnyõõn, aꞌnyĩĩk haau dĩhĩthẽẽnĩtĩ hĩ tẽẽlꞌthĩt hĩ bulẽẽnĩt hĩ ꞌtirrian vẽlẽk hĩ nganiit ooo.”

Terethiinit 5:13 Iomraidhean Croise

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

ꞌRooma 11:36

Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ. Hĩdĩhĩthĩt Makayyioohit ooo! Aamẽn.

ꞌRooma 16:27

Nẽẽthĩ ꞌyioko, hĩnĩngĩtĩ Yeesu Krĩstõ, occa hadĩhĩth naag Nyekuc ꞌcĩ ĩĩn ꞌgeeꞌnyiahit dioo ooo! Aamẽn.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

Eevvetho 3:21

Aꞌnyĩĩk lothippit cĩ lemmioohu hĩ Yeesu Krĩstõ haanytĩk Nyekuc bulẽẽnĩt irkiꞌnyia hĩ irkiꞌnyia! Aamẽn.

Pilippi 2:10

Hátĩ hakatit eeta vẽlẽk, ꞌcĩg aattĩg hẽẽtahujjieen hĩ ꞌcĩg aattĩg loota nĩnga hĩ ꞌcĩg aattĩg looccaa cĩ miningu huruꞌnyia ꞌthaarĩĩ cĩg Yeesu,

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

1 Pẽẽtũrũ 5:11

Aꞌnyĩĩk haau ꞌtirrianĩ hĩ ĩnõõnnõ irkiꞌnyia hĩ irkiꞌnyia. Aamẽn.

ꞌJuud 1:25

Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.

Terethiinit 1:6

Aaꞌnyeet nẽẽ hĩĩtõ habuẽẽt hĩ paadĩrꞌnya hĩ eet ꞌcĩg hadticanoothĩk Nyekuc Maaꞌnyĩ. Aꞌnyĩĩk hubuli nẽẽ haꞌnyak ꞌtirrian ꞌcĩ aalla ooo! Aamẽn.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 5:1

Nẽ hudtuuha ꞌbuuk attiaa cobbi ĩĩcĩ eet ꞌcĩ aaĩ dtaabawa ho, ꞌcĩ eheeddi ĩĩttõõ hĩ battaala vẽlẽk nẽ idili ꞌgoolliok tũkĩramma.

Terethiinit 5:12

Baa ebenni nẽẽg moloohaa cobbi aĩ, “Adiim Mĩꞌnyõõn baa aruhi haggam ꞌtirrian hĩ baliinit hĩ ꞌgẽẽnyĩth hĩ tingoli hĩ bulẽẽnĩt hĩ dĩhĩthẽẽnĩt.”

Terethiinit 5:3

Baa aitiõõ eet umwaa loota nĩnga hode hẽẽtahujjieen, hode ꞌthẽẽmĩtõõ, ꞌcĩ occa abbuuk nẽ itigiil ꞌbuuk nicci tõõ.

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.

Terethiinit 6:16

Ma ho, urruuyõĩ nẽẽg muurriok hĩ biyyiẽẽn ĩĩttĩk, “Irribatteetu nẽ utugunyteetu. Ma haaꞌnyiku hĩcĩneet ẽẽtĩ ꞌcĩ iccioloongan dtaabawa nẽ utugunyteetu, hiittiõõ hõllõngaa alĩĩllĩkeet Mĩꞌnyõõna.