Terethiinit 4:8 - ꞌBuuk cĩ Thõõth cĩ Nyekuci

⁸ Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”

Terethiinit 4:8 Iomraidhean Croise

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

Luugithõõ 15:11

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

Luugithõõ 3:14

Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 11:17

Baa alayyi nẽẽg aĩ, “Nyekuc Makayyioohit, ꞌTirriannioohit ꞌcĩ ĩllõõani vẽlẽk, ꞌcĩ aaĩ nẽ baa aaĩ dĩdĩ, hĩnĩngĩtĩ idticanõõĩ nii ꞌtirrian cobbi nẽ iꞌthianaaĩ ngaatĩ aggami looc.

Terethiinit 14:11

Má ala ẽẽtĩ umwaa nyaharahaak hĩ ꞌthooura cĩnnĩ nẽ ẽlẽm nyamacaarwa cĩg ꞌthaar cĩgĩnnĩg, accananni hatĩ nẽẽ baalin hĩ waathĩn. Nẽ ĩꞌngaathĩ hatĩ bũrrẽtĩ cĩ ꞌcannan cĩnnĩ ho, hũũk hẽẽtahujjieen ooo haaga nẽ hõllõngaa hatĩ iyyioman ꞌcannaana ũdũt.”

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 15:3

Nẽ ebenit tẽgẽl cĩ Mũũꞌtha baa ĩĩn dticciannioohit cĩ Nyekuci nẽ ebenit tẽgẽl cĩ Mĩꞌnyõõnak buúk ĩĩtõ, “Makayyioohit Nyekuc ꞌTirriannioohit ꞌcĩ ĩllõõani vẽlẽk, abulanneet thooꞌthioha ꞌcĩg adticani nii ꞌcĩg ĩĩn dĩdĩ. Aggami nii eet vẽlẽk jurrung, nii Habuui cĩ irkiꞌnyia vẽlẽk ko.

Terethiinit 15:7

Ma nĩngaata, ikia ꞌgiimwaa ꞌcĩ arũgĩ hõrggẽẽnaa cĩ hẽlẽggĩ ꞌcĩg ĩĩn ꞌwec ko, eꞌngereek aajĩlẽẽt niccig lohilihilit ꞌcĩg ĩĩn ꞌdaab. Baa abbĩꞌthĩĩ liilii cĩ Nyekuc ꞌcĩ arũgĩ ooo, lohilihilitii nĩĩcĩg.

Terethiinit 16:14

Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Terethiinit 16:7

Nẽ hĩthĩha molook altaarĩa ꞌcĩ õthõõth aĩ, “Eei, Makayyioohit Nyekuc ꞌTirriannioohit ꞌcĩ ĩllõõan vẽlẽk, etteedi nii thooꞌthiok jurrung ꞌgõõlaa ꞌcĩ aũlanĩ.”

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 19:4

Ma uruta, akatit makayyiooha ꞌcĩg ĩĩn hẽẽn ꞌramma hĩ ꞌwec, hĩ hẽlẽggĩ ꞌcĩg ĩĩn ꞌwec arũgĩ ho, huruꞌnyia muumaa cĩ dtaaba cobbi cĩ Nyekuci nẽ alaacõ ĩnõõnnõ ĩĩtõ, “Aamẽn! Hĩdĩhĩthĩt Makayyioohit!”

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 4:6

Nẽ ĩĩcĩ muum cĩ dtaaba nicci, attalĩth ꞌgiimwa ꞌcĩ aĩ ꞌthalak ꞌthalak hĩ maama cĩg hidiowwaak. Nẽ irriamaneek dtaaba nicci hẽlẽggĩ ũgẽẽgĩ ꞌcĩg arũgĩ ĩĩn ꞌwec, ꞌcĩg aꞌnyak hẽbẽrĩ muumtini hĩ ĩĩcĩ deeccwaanu vẽlẽk.

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.

Terethiinit 6:1

Ma ho, hudtuuha Mĩꞌnyõõn ngaatĩ avvahanĩ waraga ꞌcĩ oou waragẽẽtĩĩ ĩbaag ĩĩn tũkĩramma adili doollianga nẽ hĩthĩha molook ꞌcĩ oou hẽlẽggẽẽnnĩĩ ꞌcĩg ĩĩn ꞌwec arũgĩ ho, ẽggẽrẽny hĩ bõrõhẽẽcĩ aĩ, “Ijjia!”

Terethiinit 6:6

Nẽ hĩthĩha molook ꞌcĩ aku hõrggẽẽnaa cĩ hẽlẽggĩ ꞌcĩg arũgĩ ĩĩn ꞌwec ko nẽ õthõõth ĩĩ, “Ũũppan lokirriaacĩ cĩ ꞌgẽẽmẽ cĩ dtiic cĩ kõr hõdẽẽthõng hode lokirriaaꞌnya iyyio cĩg haal ꞌcĩg haĩ ꞌbarli, dũman cĩ dtiic ꞌcĩ õkõmĩ cĩ kõr hõdẽẽthõng. Nẽ ma hurangannu ngõõrrõ cĩ olivi hode cĩ viinoo.”

Terethiinit 7:11

Nẽ baa abĩlĩ aajĩlẽẽta vẽlẽk hĩ makayyiook hĩ hẽlẽggĩ ꞌwec ꞌcĩg arũgĩ ho, irriamaneek Nyekuc nẽ akattieek huruꞌnyia, aggiing muumti cĩggĩĩng nẽ alaacõ Nyekuc ĩĩtõ,

Terethiinit 7:15

Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk.