Terethiinit 4:11 - ꞌBuuk cĩ Thõõth cĩ Nyekuci

¹¹ “Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 4:11 Iomraidhean Croise

ꞌThianaattõ 1:1

Baa ꞌthianaatta, baa ẽhẽnyta Nyekuci hẽẽtkujjieen hĩ looc.

Luugithõõ 20:11

Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.

Dtiicanĩ cĩg ꞌThooyyiahu 14:15

“Hõlõ, ne ꞌcĩ adĩmannu niig hoti ho? Hĩĩgĩnna naag eet haaga hĩ niiga. Haꞌnyahaakuung naag ngagiit nyeemuut ꞌcĩ abũnnaa, hanneekuung ũtũngteek thooꞌthiok iccig abathĩ ho, elemit Nyekuc ꞌcĩ arũgĩ, ꞌcĩ ẽhẽnyta hẽẽtkujjieen hĩ looc hĩ bũlũc hĩ hẽlẽggĩ vẽlẽk ꞌcĩg aattiyyi ĩhõõggõ.

Dtiicanĩ cĩg ꞌThooyyiahu 17:24

“Baa ẽhẽnyta Nyekuci ciee looc hĩ hẽlẽggĩ vẽlẽk ꞌcĩg aattiyyi looc. Ĩĩn nẽẽ Makayyioohit cĩ hẽẽtkujjieen hĩ cĩ lootu nẽ hõllõngaa aaĩ ꞌcieethinii ꞌcĩg ẽhẽnyta ẽẽtĩ ꞌcĩ holli õõ.

ꞌRooma 11:36

Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ. Hĩdĩhĩthĩt Makayyioohit ooo! Aamẽn.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Ebereei 1:10

Baa aduhaak Nyekuci Ngeerĩnĩ anneek, “Makayyioohit, baa ꞌthianaatta, nganiit ꞌcĩ baa ẽhẽnyta looc hĩ hẽẽtkujjieen athĩnĩĩ cugunnig.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

Terethiinit 1:6

Aaꞌnyeet nẽẽ hĩĩtõ habuẽẽt hĩ paadĩrꞌnya hĩ eet ꞌcĩg hadticanoothĩk Nyekuc Maaꞌnyĩ. Aꞌnyĩĩk hubuli nẽẽ haꞌnyak ꞌtirrian ꞌcĩ aalla ooo! Aamẽn.

Terethiinit 10:6

Nẽ ũbũtan aajĩlõ ꞌthaarĩĩ cĩg Nyekuc ꞌcĩ ẽhẽnyta hẽẽtkujjieen hĩ looc hĩ hẽlẽggĩ vẽlẽk ꞌcĩg arũgĩ ooo ĩĩ, “Iittiõõ Nyekuci hõllõngaa ereeyyi tarĩ.”

Terethiinit 14:7

Baa ẽggẽrẽny aajĩlõ ciee gẽrrẽẽt aĩ, “Itingolli Nyekuc nẽ alaac ĩnõõnnõ! Õbõhĩ kõrra ꞌcĩ aku ẽttẽẽdĩ nẽẽ thooꞌthiok cĩg eetuk. Alaac ĩnõõnnõ, hĩnĩngĩtĩ baa ẽhẽnyta nẽẽ hẽẽtkujjieen hĩ looc, hĩ bũlũccwa hĩ hidiowwẽẽn vẽlẽk.”

Terethiinit 19:1

Ma uruta, hĩthĩha molook cĩ lothippit cobbi hẽẽtahujjieen ꞌcĩ ẽggẽrẽny aĩ, “Hadihiꞌthii naag nganiita Nyekuc! Aku ꞌtirrianĩ cobbi vẽlẽk hĩ nganiit ꞌcĩ ẽẽlanneet ngagĩĩta,

Terethiinit 5:12

Baa ebenni nẽẽg moloohaa cobbi aĩ, “Adiim Mĩꞌnyõõn baa aruhi haggam ꞌtirrian hĩ baliinit hĩ ꞌgẽẽnyĩth hĩ tingoli hĩ bulẽẽnĩt hĩ dĩhĩthẽẽnĩt.”

Terethiinit 5:2

Nẽ tarĩ hĩcĩna aajĩlõ cobbi ꞌcĩ attiran gẽrrẽẽt ꞌcĩ ẽggẽrẽny aĩ, “Nganĩ ꞌcĩ ũũlũ ngaatĩ avvahanĩ ꞌbuuk icci adili ho nẽ ubbuuha?”

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.