Terethiinit 3:4 - ꞌBuuk cĩ Thõõth cĩ Nyekuci

⁴ “Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.

Terethiinit 3:4 Iomraidhean Croise

Maatteeo 10:11

“Ma aduhunnu ꞌtaaũn hode õlõ umwa, ĩꞌthaac eet nẽ idiimtau eet ꞌcĩ õõrĩ ꞌthĩnĩt nẽ aauttu nĩngaata, ĩꞌthõng ũtũngteek nĩngĩtĩho.

Maarko 16:5

Ma baa õõ aduhun nẽẽg ꞌloohatõõ ho, acĩn hinnia nyahaappan umwa ꞌcĩ ahimit ceremwa ꞌcĩg õõppẽr, iccioloongan loota ꞌloohatõõ cĩ aꞌthiit cobbi. Baa abulan thõõth ciee ĩhõõggõ gẽrrẽẽt.

ꞌLuuka 20:35

Aitiõõ eeta ꞌcĩg hatĩ arũgna daahĩtha hõllõngaa attihi,

ꞌLuuka 21:36

Aaut hõdõõkõthĩ dĩkĩĩm nẽ alayyioou, hátĩ horoong iliittia hẽlẽggĩ ꞌcĩg au nẽ, hátĩ horoong iita uuluyyu ngaatĩ abillu muumaa cĩ Ngeertĩ Eeto.”

Dtiicanĩ cĩg ꞌThooyyiahu 1:15

Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma,

2 Tẽꞌthaloonika 1:5

Ĩĩn ciee vẽlẽk thõõth ꞌcĩ ẽtẽrꞌtha aĩ, aũlan thõõth ꞌcĩ ẽttẽẽd Nyekuci nẽ ũkũmaneehuung nẽẽ ngagiit eliitta, ngaatĩ othollu hĩ Nyekuc habuccieet cĩnnĩ, hĩnĩngĩtĩ ꞌcannan ꞌcĩ emmeeꞌthu niig ꞌyioko ho.

ꞌJuud 1:23

Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 11:13

Ma nĩngaata noho, uluba hirihidtihi cobbi gẽrrẽẽt, ꞌcĩ alib ꞌtaaũn ĩĩcĩ odoyyii hadaahito eeta aalibꞌnya tũkĩramma. Nẽ iita abarritit eeta ũgẽẽgĩ ꞌcĩg baag nga arũgĩ, nĩngĩtĩ abulꞌthĩ nẽẽg Nyekuc ꞌcĩ aaĩ hẽẽtahujjieen, taliittaa cobbi.

Terethiinit 14:4

Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 19:14

Nẽ baa anũ ĩnõõnnõ ũũrũtana ꞌcĩg au hẽẽtahujjieen, ꞌcĩg aꞌthuhan nyangõõllẽẽꞌnya ꞌcĩg õõrĩg nẽ itihimit ceremwa ꞌcĩg õõppẽr ꞌcĩg anyũttĩĩ.

Terethiinit 19:8

Ahimtoothĩk hatĩ ngaa nicci ceremwaana ꞌcĩg õõppẽr ꞌcĩg anyũttĩĩ.” Nẽ ceremwaana ꞌcĩg õõppẽr ꞌcĩg ahimit nẽẽ ho, ĩthakꞌthoothĩk thooꞌthiok ꞌcĩg abũnnaa baag adĩman eeta cĩg Nyekuci loota nĩnga.

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.

Terethiinit 3:5

Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 6:11

Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.