Terethiinit 3:2 - ꞌBuuk cĩ Thõõth cĩ Nyekuci

² Ĩtĩngaac ũkũmatteek ꞌtirrian ꞌcĩ abadtẽc ꞌcĩ nga idiongan ko, hĩnĩngĩtĩ õbõhĩ edeccia. Nẽẽthĩ hoti ho, ĩttĩmanit gẽrrẽẽt, hátĩ ittiranit. Baa hũmmũda naa ngaatĩ hõllõngaa athiknu niig Nyekuc.

Terethiinit 3:2 Iomraidhean Croise

Maatteeo 23:5

“Adĩman nẽẽg thooꞌthiok vẽlẽk, aĩ hátĩ hĩcĩtteet eeta. Ecebeek nẽẽg õlẽẽt ꞌcĩg eheedothoothĩk thooꞌthioha cĩg Nyekuci nẽ itihimit ceremwa ꞌcĩg uuttik ꞌcĩg eceboothĩk ꞌlõõrõngĩta ꞌcĩg ẽllẽẽmĩthĩ.

Maatteeo 25:13

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr hode ꞌthaa ꞌcĩ hatĩ hakuuni naana.

Maatteeo 25:7

“Nĩngĩtĩ ĩꞌngaannĩ buheeci niccieeg vẽlẽk nẽ ũkũmatteek ꞌlõõmẽẽt cĩggĩĩng.

Dtiicanĩ cĩg ꞌThooyyiahu 18:23

Ma urutaa ꞌcĩ aavvi nĩngaata hĩdĩhĩdĩĩc, ikia eheronoothĩk loonyin ꞌcĩg mẽẽlĩg ꞌGalaaꞌthia hĩ Virigia. Baa õkõ ẽẽl nẽẽ nuyyiook huꞌthuutti lemiinit cĩnĩĩng jurrung.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

Terethiinit 16:15

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Terethiinit 2:4

“Nẽ aaĩ ꞌgii hõdẽẽthõng ꞌcĩ nga abaccu niiga. Iittiõõ niig hõllõngaa ammĩnannaangu nganĩĩt hode ꞌgoonogu haau hĩ baa ꞌrẽẽna.

Terethiinit 3:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.