Terethiinit 3:18 - ꞌBuuk cĩ Thõõth cĩ Nyekuci

¹⁸ Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.

Terethiinit 3:18 Iomraidhean Croise

Maatteeo 13:44

“Aaĩ habuccieet cĩ hẽẽtkujjieen hĩ baliiniti ꞌcĩ aguꞌthi manatõõ tõõ. Nẽ ma ũmmũda ẽẽtĩ umwaanĩ, agunyuth hatĩ nẽẽ tarĩ nẽ hatĩ taliittaa ꞌcĩ aꞌnyak nẽẽ ho, ũũk ũtũũõĩ ijjio cĩgĩnnĩg vẽlẽk nẽ ũũk ũtũũwa mana tĩho.

Maatteeo 25:9

“Ẽdẽcĩ buheeci ꞌcĩg ẽggẽẽnyĩth ko ꞌgõõnõgĩ ꞌcĩg aggiithi ho anneek, ‘Hõllõngaa occa ũũppanneet ngõõrra ciee ngagĩĩt vẽlẽk, õõt utuuyyia umwa hĩ eet ꞌcĩg ũũtẽnĩ.’

ꞌLuuka 12:21

“Aaĩ ꞌthẽk hatĩ hoti buúk hĩ eet ꞌcĩg itiangꞌtheek eleeti cĩggĩĩng baliinit cĩ looc nicci nẽ hõllõngaa aballi muumaa cĩ Nyekuci.”

2 Korinthia 5:3

Hĩnĩngĩtĩ, ma hitihimti naaga, hõllõngaa hatĩ hammuddiaa ngaatĩ haattiyyi arriẽẽn.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

Terethiinit 16:15

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Terethiinit 19:8

Ahimtoothĩk hatĩ ngaa nicci ceremwaana ꞌcĩg õõppẽr ꞌcĩg anyũttĩĩ.” Nẽ ceremwaana ꞌcĩg õõppẽr ꞌcĩg ahimit nẽẽ ho, ĩthakꞌthoothĩk thooꞌthiok ꞌcĩg abũnnaa baag adĩman eeta cĩg Nyekuci loota nĩnga.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.

Terethiinit 3:17

Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny.

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 7:13

Ma nĩngaata, ikia ijina makayyioohiti umwaa eetinii ꞌcĩg ĩĩn hẽẽn ꞌramma hĩ ꞌwec ko ĩnnĩhaa, “Eet ꞌcĩg nganĩ niccieeg ahimti ceremwaanĩĩ ĩcĩg õõppẽr ko? Au eeta niccieeg ĩĩna?”