Terethiinit 3:10 - ꞌBuuk cĩ Thõõth cĩ Nyekuci

¹⁰ Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 3:10 Iomraidhean Croise

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maatteeo 26:41

Ĩcĩttĩ nẽ alayyioou, hátĩ hiittiõõ hõllõngaa attĩmaniinnu. Abũraneek lorii nẽ ahar ꞌcĩ ĩĩn ẽlẽ.”

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

Maarko 14:9

Haduhaakuung naa dĩdĩ, loonyini vẽlẽk ĩcĩg hatĩ irrioonini nyeemuut ꞌcĩ abũnnaa, irrioonni hatĩ thõõth ꞌcĩ adtican nẽẽ ho buúk, hátĩ hummuktaaĩ eeta ĩnõõnnõ.”

ꞌLuuka 2:1

Ma waathinniook nicciag, ikia uduhaak habuui cobbi cĩ ꞌRooma ꞌcĩ haĩ Agguutto eet looccaa cĩ ꞌRooma hũtũrũũr hõõt hitigiilli.

Yõaannẽ 17:6

“Heteretheehii naa nganiit eet baag aaꞌnyaa nii nganĩĩt loota nĩnga. Baa ĩĩn nẽẽg eet cugunnig, baag aaꞌnyaa nii nganĩĩta nẽ uꞌthuutti nẽẽg thõõth cunni.

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

1 Korinthia 10:13

Attĩmaniinnu niig ꞌgõõla hõdẽẽthõng, ĩĩcĩ attĩmaniini eeta vẽlẽk. Nẽẽthĩ, agayyi Nyekuci ngaatĩ occa hõllõngaa aaꞌnyuung ngagiit ĩttĩmattĩ gẽrrẽẽt nẽ eterꞌtheekuung hatĩ nẽẽ ꞌgõõl ꞌcĩ occa hatĩ aꞌnyamannu ꞌtĩmman.

Eevvetho 6:13

Nẽẽthĩ hoti ho, itihimit ceremwa cĩg joraak ꞌcĩg aaꞌnyuung Nyekuci ngagiit, hátĩ eteyyiõõĩ eleeti cugguung. Ma hatĩ ikia kõrra cĩ bathiitto, agayyu hatĩ ngaatĩ eteiinnu eleeti cugguung. Ma hatĩ edeccia jõrẽẽĩ, ammũdeek hatĩ nga okommu.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

ꞌJeemith 3:12

ꞌGotoonoga hĩ ngoonoga, ꞌyioko ꞌmũũnĩcĩ occa õddõngta oliv, hode õddõngta hẽẽt cĩ viinoo ꞌmũũnĩ? Hode occa hõllõngaa ariha maama ꞌcĩg abũnnaa ũꞌngeecaa cĩ hidioo ꞌcĩ ammũccarĩĩ.

1 Pẽẽtũrũ 4:12

ꞌGotoonoga hĩ ngoonoga, ma hakuleeku ꞌjieen hode ma habarrittu hatĩ attĩmaniinnu ꞌgõõlaa ꞌcĩ abathĩ, haau hĩcĩ adhukiaakuung daahĩthĩ.

2 Pẽẽtũrũ 2:9

Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:10

Accamanoothĩk hatĩ eeta cĩg lootu nẽ ũrũgũmĩta, aaꞌnyĩk hatĩ ꞌgõõnõgĩ ꞌbaaninit, hĩnĩngĩtĩ thõõth baa adĩmanoothĩk põrõvẽtaaꞌnya ꞌramma, baag ĩĩn hẽbẽrĩ baag aꞌnyahaak ĩhõõggõ pĩĩrnanĩt loota nĩnga.

Terethiinit 13:10

Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 14:12

Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.

Terethiinit 14:6

Ma ho, hudtuuha aajĩlõ umwa ꞌcĩ alilliaan hẽẽtahujjieen, aꞌnyaha nyeemuut ꞌcĩ abũnnaa ꞌcĩ aalla ũdũt cĩ Nyekuci, ꞌcĩ aku aduhaak loonyin hĩ habuccieeꞌnya hĩ hattũũgẽt vẽlẽk ꞌcĩg õthõõth thooꞌthiohĩ cũũmõ cũũmõ loota nĩnga.

Terethiinit 16:14

Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Terethiinit 17:2

Atagguutho nẽẽ hĩ habuẽẽt vẽlẽk loota nĩnga. Nẽ ngaaoni cĩnnẽẽnĩ, aau hĩcĩ eet ꞌcĩg ahũd viino hũdũũtĩtõ nẽ idticanit thooꞌthiok ꞌcĩg ĩĩn ꞌriiring loota nĩnga.”

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 3:8

Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt.

Terethiinit 6:10

Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”

Terethiinit 8:13

Ma ho, hĩcĩna ꞌthuuti umwa ꞌcĩ alilliaan hẽẽtahujjieen ẽggẽrẽny gẽrrẽẽt aĩ, “Pĩĩrnanĩt, pĩĩrnanĩt, pĩĩrnanĩt cobbi gẽrrẽẽt hĩ eet cĩg looc nicci, hatĩ adtahit aajĩlẽẽta ꞌcĩg ĩĩn iyyio ꞌcĩg adtuurna tũũrẽn cĩggĩĩng.”