Terethiinit 22:6 - ꞌBuuk cĩ Thõõth cĩ Nyekuci

⁶ Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”

Terethiinit 22:6 Iomraidhean Croise

ꞌThianaattõ 41:32

Ẽttẽẽd Nyekuci thõõth icci ẽlẽk, ĩnõõ ꞌcĩ aaꞌnyi nganiit hõnõõthĩ tabattĩ ꞌramma ho habuu. Adtican hatĩ ꞌthẽk nẽẽ authet icci hĩdĩĩkoothong.

Maatteeo 13:41

Ĩꞌthõ hatĩ Ngeertĩ Eeto aajĩlẽẽt cĩgĩnnĩg hõõt huluttia eet vẽlẽk habuccieetaa cĩnnĩ ꞌcĩg adĩman thooꞌthiok ꞌcĩg abathĩ, hĩ ꞌcĩg aaꞌnyĩk ꞌgõõnõgĩ hẽꞌthẽcattõõ.

ꞌLuuka 1:70

hĩ baa aduha põrõvẽtaaꞌnya baag ẽllẽẽmĩth baarkit aĩ,

ꞌLuuka 16:16

Ma ho, irrioonĩk Yeesu nuyyiook ĩĩnnĩk “Baa udukiaak eet vẽlẽk nyattalĩ cĩ Mũũꞌtha hĩ thõõth cĩ põrõvẽtaaꞌnyanu, ĩꞌthõng hikia Yõaannẽ Batitta. Nganĩngĩtĩ irkiꞌnyia nicciag, nga ꞌthẽk allimanoothĩk eet nyeemuut ꞌcĩ abũnnaa cĩ habuccieet cĩ Nyekuci noho nẽ nga ꞌthẽk attĩman eeta vẽlẽk kõmĩĩtha ngaatĩ occa adukni.

Dtiicanĩ cĩg ꞌThooyyiahu 12:11

Ma ho, ikia agaõõthĩ Pẽẽtũrũ thõõth ꞌcĩ adĩman aajĩlõ ho nẽ ĩĩ, “Hagawa ngaatĩ hatĩ ĩꞌthõõanĩ Makayyioohiti aajĩlõ cĩnnĩ hikia hõõgawaa nganĩĩt cebiittaa cĩ Ẽrõõdẽ ho, hĩ thooꞌthiohĩĩ vẽlẽk ĩcĩg ammuk makayyiooha cĩg ꞌJudeei.”

Dtiicanĩ cĩg ꞌThooyyiahu 3:18

Nẽẽthĩ, ĩĩn ciee ꞌgõõl ꞌcĩ aku ẽdẽẽnyanĩ Nyekuci thooꞌthiok baag aduha põrõvẽtaaꞌnya ngaatĩ aĩnnĩ, appĩĩrna hatĩ Krĩstõ.

ꞌRooma 1:2

Nyeemuut baa aduha nẽẽ baarkit thooꞌthiohĩĩ baag aduha põrõvẽtaaꞌnya ꞌBuuhaa cĩ Nyekuci aĩ,

1 Korinthia 14:32

Aggam loriẽẽt cĩg põrõvẽtaaꞌnyanu põrõvẽtaaꞌnya.

1 Korinthia 7:29

Nẽ thõõth ꞌcĩ haini naa ho ꞌgotoonoga hĩ ngoonoga, huturig waathinniooha ꞌcĩg nga haattiyyi naag loota nĩnga ho gẽrrẽẽt. Nẽẽthĩ, iꞌthianaanĩ ꞌyioko, aꞌnyĩĩk eet ꞌcĩg aꞌnyak ngaaĩ haauto hĩcĩ hõllõngaa aꞌnyahĩ;

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

Ebereei 12:9

Nẽẽthĩ, hiꞌngolli naag nyakangaaꞌnya cĩggaac hatĩ ilootteeta. Nẽẽthĩ ꞌyioko ĩcca occa aitiõõ hõllõngaa hiꞌngolli naag Baangeet ꞌcĩ loriẽẽt cĩggaac ꞌcĩ arũgĩ ooo hẽẽtahujjieen hatĩ ilootteeta?

2 Pẽẽtũrũ 1:21

Baa hõllõngaa addanga põrõvẽtaaꞌnya thooꞌthiok iccig ẽmmẽn, baa ẽtẽrẽth ĩhõõggõ Lorii ꞌcĩ Ẽllẽẽmĩth hĩ Nyekuc.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 21:5

Ma ho, ikia õthõõthahaa Nyekuci ꞌcĩ iccioloongan dtaabawa ho ĩnnĩhaa, “Haaꞌnyihi hatĩ naa hẽlẽggĩ vẽlẽk hĩĩtõ ngeju!” Nẽ tarĩ, õthõõthahaa ĩnnĩhaa, “Tẽhẽẽd thõõth ꞌcĩ haduhaakii naa ho loota, hĩnĩngĩtĩ haduhaakii thõõth ꞌcĩ ĩĩn dĩdĩ, ꞌcĩ occa elemi niina.”

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 22:7

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”

Terethiinit 4:1

Ma nĩngaata, hĩcĩna hattũũg cĩ õlõ cĩ Nyekuci hẽẽtahujjieen ubbuuhi nẽ ikia mõlõõhĩ ꞌcĩ baa hĩthĩha ĩĩcĩ oou ẽlẽk, ẽggẽrꞌnya hĩ tũũrĩ nẽ ĩnnĩhaa, “Ijjia da ngaati, hátĩ heteretheehii thooꞌthiok ꞌcĩg hatĩ edeeꞌnyia urutaa cĩ thooꞌthiok iccig.”