Terethiinit 22:16 - ꞌBuuk cĩ Thõõth cĩ Nyekuci

¹⁶ “Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 22:16 Iomraidhean Croise

Maatteeo 1:1

Baa arrittiaa Yeesu Krĩstõ halaangatõõ cĩ habu Daavide hĩ halaangatõõ cĩ Abũrahamĩ. Nẽ ꞌthaarriok cĩg hĩbaangĩ cĩgĩnnĩg cieegi.

Maatteeo 2:2

Baa nẽ iita ijinit ꞌgeeꞌnyiaha niccieeg eet cĩg ꞌJudeei ĩĩttĩk, “Aaĩ loholeec baa aĩ arrittiaa hĩĩ habu cĩ ꞌJudeei ho ngaana? Baa hacĩnaanna coobooc cĩnnĩ uppwaanna ĩĩcĩ uruto nẽ ꞌyioko, hauunna haĩ hiita hubuluꞌthia ĩnõõnnõ.”

Maatteeo 22:42

“Ammuku niig Krĩstõ nganĩ? Ngeertĩ nganĩ nẽẽ?” Ẽdẽcĩ nẽẽg ĩnõõnnõ anneek, “Ĩĩn nẽẽ ngeertĩ Daavide.”

Maatteeo 22:45

Má baa aũ Daavide anneek ĩnõõnnõ, ‘Makayyioohit,’ aga nẽẽ ngaatĩ ĩĩnnĩ ngeerĩnĩ hutuno?”

ꞌLuuka 1:78

hĩnĩngĩtĩ tamaati cobbi cĩ Nyekuc cĩnaac ꞌcĩ abũnnaa, ꞌcĩ hatĩ aku uppwannakeet kõrra ngagĩĩt hẽẽtahujjieen,

ꞌLuuka 20:44

“Ma avvĩ Daavide ĩnõõnnõ anneek, ‘Makayyioohit,’ nẽ tarĩ ikia ĩĩ nẽẽ ngeertĩ Daavide hutuno?”

ꞌRooma 15:12

Aduha põrõvẽtaacĩ Iꞌthaia aĩ, “Alĩꞌtha hatĩ eet umwaa ꞌcĩ aku hattũũgaa cĩ ꞌJeeꞌthe, hikia hĩĩ habu. Aggam hatĩ nẽẽ loonyin nẽ hatĩ aꞌnyahit eeta ꞌcĩg hõllõngaa ĩĩn ꞌJudeei, muhẽẽnĩt ꞌcĩ abũnnaa hĩ ĩnõõnnõ.”

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

2 Pẽẽtũrũ 1:19

Nẽẽthĩ hoti ho, haga naag jurrung, ngaatĩ haarĩkĩ ꞌthinneeti cĩggaac nyeemuutaa cĩ Nyekuci ĩĩ baa irrioon põrõvẽtaaꞌnya. Aaĩ nyeemuut ciee hĩ ꞌloomo ꞌcĩ attũllĩ muguuratõõ, alanyĩt ĩꞌthõng haal lõõcĩ nẽ attũllĩ lanyit cĩ Krĩstõ ꞌthinneetinii cugguung, haau hĩcĩ attũhũl cõõbõõcĩ cĩ ngerrenito looc. Adticannu hatĩ ꞌgii ꞌcĩ abũnnaa, hatĩ athiknu nyeemuut icci jurrung.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 2:11

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ ẽẽtĩ ꞌcĩ abũrĩ thõõth cĩ ꞌThĩttaanõ ũdũt, aitiõõ hatĩ ẽẽtĩ tĩho hõllõngaa õkõ accananni ꞌgwoyyiaa ꞌcĩ aalla ooo, hĩnĩngĩtĩ daahĩth ꞌcĩ uruto niccia.”

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:11

Ẽẽtĩ ꞌcĩ adĩman thooꞌthiok ꞌcĩg abathĩ, aꞌnyĩĩk haala hĩdĩman thooꞌthiok ꞌcĩg abathĩ noho nẽ ẽẽtĩ ꞌcĩ ara ꞌthẽccan, aꞌnyĩĩk hara ꞌthẽccan. Nẽ ẽẽtĩ ꞌcĩ adtican thooꞌthiok ꞌcĩg abũnnaa, aꞌnyĩĩk haala hĩdĩman thooꞌthiok ꞌcĩg abũnnaa nẽ aꞌnyĩĩk eet ꞌcĩ ẽllẽẽmĩth haala hẽllẽẽm ũdũt.”

Terethiinit 22:20

Nẽ ẽẽtĩ ꞌcĩ ĩĩn hebereec cĩ thooꞌthiok iccig vẽlẽk aĩ, “Eei, hakuu naa hĩdĩĩkoothong!” Aamẽn! Ijjia Makayyioohit Yeesu!

Terethiinit 22:6

Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”

Terethiinit 3:13

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippit cĩ lemmioohu ho jurrung.”

Terethiinit 3:22

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”

Terethiinit 3:6

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”

Terethiinit 5:5

Ma ho, õthõõthahaa makayyioohiti umwaa hõrggẽẽnaa cĩ makayyiook ꞌcĩg ĩĩn hẽẽn ꞌramma hĩ ꞌwec ko ĩĩnnĩhaa, “Ma halu! Cĩĩn nõõnĩ, aaĩ ẽẽtĩ ꞌcĩ attiran ꞌcĩ haĩ ꞌMaa, ĩnõõ Yeesu ꞌcĩ arrittiaa habuccieetaa cĩ ꞌJuuda, hattũũgaa cĩ habu Daavide ꞌcĩ ĩllõõana. Ĩnõõnnõ dioo ꞌcĩ occa aga ngaatĩ avvahanĩ ꞌbuuk ꞌcĩ adili ꞌgoolliok tũkĩramma ho nẽ ubbuuha.”