Terethiinit 21:9 - ꞌBuuk cĩ Thõõth cĩ Nyekuci

⁹ Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 21:9 Iomraidhean Croise

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 17:1

Ma ho, ikia aajĩlõ umwaa ꞌcĩ ĩĩn tũkĩramma ꞌcĩ baa ĩꞌthaanĩk ꞌthẽrẽt ꞌcĩ aꞌnyak lohilihiliiaa cĩnnĩ looc vẽlẽk ĩnnĩhaa, “Ijjia da ngaati, hatĩ heteretheehii ꞌgõõl ꞌcĩ hatĩ õkõ uuki Nyekuci ngaa ꞌcĩ ĩĩn ꞌwaaꞌngiahit cobbi gẽrrẽẽt, ꞌcĩ iccioloongan bũlũccwaanĩĩ ꞌcĩg mẽẽlĩg.

Terethiinit 19:7

Haccamattoothĩk nẽ hubuluthit ĩnõõnnõ, hĩnĩngĩtĩ ikia kõrra cĩ nyahũũta cĩ Mĩꞌnyoono nẽ ũkũmanoothĩk ngaa cĩnnĩ ẽlẽk.

Terethiinit 21:17

Ma baa appiimanni dilat cĩ araanõ ho, ammuddiaa hinnia dtikiri cĩ dilaatõ dioo ĩĩn mĩĩtĩrꞌnya hẽẽn tõrkõnõn hĩ ꞌtur. Baa appiimaniini aajĩlõ hẽẽt ꞌthẽk ꞌcĩ aaĩ hĩ gõõng hattĩmanaanĩ naag ꞌcieeth ꞌcĩ attĩmanniaa ꞌthõõnĩ.

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 22:6

Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”