Terethiinit 21:7 - ꞌBuuk cĩ Thõõth cĩ Nyekuci

⁷ Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.

Terethiinit 21:7 Iomraidhean Croise

ꞌThianaattõ 17:8

Haaꞌnyuung hatĩ naa nganiit hĩ lõhõlĩ cugunnig looc cĩ Kanaanĩ ꞌcĩ ꞌyioko aayyi nii ho, hĩĩ cunuung ũdũt. Hĩĩnĩ hatĩ naa Nyekuc cĩ lõhõlĩ cugunnig.”

Maatteeo 19:29

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maarko 10:17

Ma baa iꞌthianaaĩ Yeesu weet, avvira hinnia ẽẽtĩ umwaa hikia hakat huruꞌnyia muumaa cĩnnĩ nẽ ĩĩnnĩk, “ꞌLimmannioohit ꞌcĩ abũnnaa, hadĩmani occa naa hutuno, hátĩ hũmmũda rũgẽt ꞌcĩ aalla ooo?”

ꞌRooma 8:14

hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

Ebereei 8:10

Nẽẽthĩ, aduha Makayyioohit aĩ, lõhõt caannĩ ciee ꞌcĩ ĩĩn ngeju ꞌcĩ hatĩ hadaka naag hĩ eet ꞌcĩg Ĩꞌthĩraẽlĩ kõr tĩho. Haarihi hatĩ naa nyattal caannĩ ootinii cĩggĩĩng nẽ heteheedĩha ꞌthinneetinii cĩggĩĩng. Hĩĩnĩ hatĩ naa Nyekuc cĩnĩĩng, nẽ ĩĩtõ nẽẽg eet cĩgannĩg.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.

Terethiinit 2:11

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ ẽẽtĩ ꞌcĩ abũrĩ thõõth cĩ ꞌThĩttaanõ ũdũt, aitiõõ hatĩ ẽẽtĩ tĩho hõllõngaa õkõ accananni ꞌgwoyyiaa ꞌcĩ aalla ooo, hĩnĩngĩtĩ daahĩth ꞌcĩ uruto niccia.”

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 2:25

Uꞌthuutti thõõth cĩ Nyekuci jurrung ĩꞌthõng hikia naana.

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.