Terethiinit 21:5 - ꞌBuuk cĩ Thõõth cĩ Nyekuci

⁵ Ma ho, ikia õthõõthahaa Nyekuci ꞌcĩ iccioloongan dtaabawa ho ĩnnĩhaa, “Haaꞌnyihi hatĩ naa hẽlẽggĩ vẽlẽk hĩĩtõ ngeju!” Nẽ tarĩ, õthõõthahaa ĩnnĩhaa, “Tẽhẽẽd thõõth ꞌcĩ haduhaakii naa ho loota, hĩnĩngĩtĩ haduhaakii thõõth ꞌcĩ ĩĩn dĩdĩ, ꞌcĩ occa elemi niina.”

Terethiinit 21:5 Iomraidhean Croise

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

Ebereei 12:27

Aĩ thõõth ciee nẽẽ, õmmõõnnĩ hatĩ Nyekuci hẽlẽggĩ vẽlẽk baag ẽhẽnytaa hiꞌngittõõthĩ, hátĩ hidionganit hẽlẽggĩ ꞌcĩg hõllõngaa õmmõõtĩ diooni.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:19

“Tẽhẽẽd thooꞌthiok vẽlẽk ꞌcĩg acĩnĩ nii ho loota, hĩ hẽlẽggĩ ꞌcĩg aattĩg ꞌyioko, hĩ hẽlẽggĩ ꞌcĩg hatĩ au urutaa ꞌcĩ thooꞌthiok iccig.

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 22:19

Nẽ má udhuheek ẽẽtĩ thõõth umwa tuu, hõllõngaa hatĩ ẽlẽmaakĩ Nyekuci eet tĩho, huduk hẽẽt ꞌcĩ abbiiri ꞌcĩ aaꞌnyĩk rũgẽt ꞌcĩ aalla ooo ho nẽ ẽdẽnẽẽkĩ hatĩ nẽẽ ĩnõõnnõ ngaatĩ adukni ꞌtaaũn cĩnnĩ ꞌcĩ ẽllẽẽmĩth adukiaa ꞌbuuhaa cĩ ho.

Terethiinit 22:6

Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”

Terethiinit 4:2

Ma hĩdĩĩkoothong, hudtuuha Lori ĩĩcĩ muum caannĩ hĩ dtaaba cĩ hẽẽtkujjieen, ꞌcĩ iccioloonganĩ ẽẽtĩ umwaanĩ.

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.

Terethiinit 5:1

Nẽ hudtuuha ꞌbuuk attiaa cobbi ĩĩcĩ eet ꞌcĩ aaĩ dtaabawa ho, ꞌcĩ eheeddi ĩĩttõõ hĩ battaala vẽlẽk nẽ idili ꞌgoolliok tũkĩramma.