Terethiinit 21:2 - ꞌBuuk cĩ Thõõth cĩ Nyekuci

² Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 21:2 Iomraidhean Croise

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

Ebereei 11:10

Baa adĩman Abũrahamĩ hoti, hĩnĩngĩtĩ baa ẽrẽ nẽẽ ꞌtaaũn cobbi ꞌcĩ aalla ooo, baa ammuha Nyekuci nẽ ẽtẽhẽnya.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

Ebereei 13:14

Hĩnĩngĩtĩ aitiõõ lõõcĩ ciee hõllõngaa ĩĩn õlõ cĩnaac ꞌcĩ aalla ũdũt, nga hẽrẽ naag õlõ ꞌcĩ nga aayyiaa.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:2

Nẽẽthĩ, ma hattĩmani looc battaala ꞌCieethaa cĩ Nyekuci. Tũngeek haau noho, hĩnĩngĩtĩ baa aaꞌnyĩhoothĩk eet ꞌcĩg nga hagaacõ Nyekuc nẽ au hatĩ aggam nẽẽg ꞌtaaũn ꞌcĩ ẽllẽẽmĩth cĩ Nyekuci ho, nyĩlõhĩ hẽẽn ꞌwec hĩ ꞌramma.

Terethiinit 21:10

Ma ho, ũũka aajĩlõ nicciee Loriiaa ꞌcĩ Ẽllẽẽmĩth, ĩꞌthõng muur umwa ꞌcĩ uuni gẽrrẽẽt nẽ ũũk eteretheeha ꞌtaaũn cobbi ꞌcĩ ẽllẽẽmĩth cĩ ꞌJeruꞌthalẽmĩ, ꞌcĩ alluuccia õlõõ cĩ Nyekuci hẽẽtahujjieen aku loota.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 22:19

Nẽ má udhuheek ẽẽtĩ thõõth umwa tuu, hõllõngaa hatĩ ẽlẽmaakĩ Nyekuci eet tĩho, huduk hẽẽt ꞌcĩ abbiiri ꞌcĩ aaꞌnyĩk rũgẽt ꞌcĩ aalla ooo ho nẽ ẽdẽnẽẽkĩ hatĩ nẽẽ ĩnõõnnõ ngaatĩ adukni ꞌtaaũn cĩnnĩ ꞌcĩ ẽllẽẽmĩth adukiaa ꞌbuuhaa cĩ ho.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.