Terethiinit 20:4 - ꞌBuuk cĩ Thõõth cĩ Nyekuci

⁴ Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 20:4 Iomraidhean Croise

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

Maatteeo 24:10

Waathinniook tĩko, mẽẽlĩg hatĩ eeta ꞌcĩg ũũnnĩk lemiinit, õhõppõõcanõõ nẽ aaburroo nyaagwaana.

Maarko 6:16

Ma baa athĩhĩ habuui Ẽrõõdẽ thõõth icci ho, ikia õthõõth ĩĩ, “Yõaannẽ Batitta ꞌthẽk ꞌcĩ arũgna ho, eet baa hẽttẽẽda naa õõ!”

Maarko 6:27

Nĩngĩtĩ ĩꞌthõõĩ habuui athegereec umwa hĩdĩĩkoothong hũũk hẽttẽẽda õõ cĩ Yõaannẽ Batitta baabuuthatõõ noho dtum.

Maarko 9:11

Ma nĩngaata, ijinit nẽẽg Yeesu ĩĩttĩk, “Inni ꞌlimmanniooha cĩg nyattal cĩ Mũũꞌtha hĩĩtõ, occa uwwattaa Eliijja ĩĩcĩ oou nga hikia Krĩstõ ho?”

ꞌLuuka 1:17

Uwwattẽẽkĩ hatĩ nẽẽ Makayyioohit loriia hĩ ꞌtirriaana cĩ Eliijja. Uwwattaa hatĩ nẽẽ hikia haaꞌnyĩk eet hũkũmattoothĩk, nga hikia Makayyioohiti. Aku hatĩ aaꞌnyĩk nẽẽ lõhõlĩ harraaccio hĩ maajihi, hátĩ haauto lõꞌngõõc nẽ irrioonĩk eet ꞌcĩg hõllõngaa athĩknĩ, hĩthĩhĩt ꞌgẽẽnyĩth cĩ eet ꞌcĩg abũnnaa.”

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

Yõaannẽ 14:19

Waathinnioohĩĩ ꞌcĩg abadtẽc, hõllõngaa hatĩ acĩnna eeta cĩg looc nicci nganĩĩta, nẽẽthĩ, acĩnnaangu hatĩ niiga. Arũgnu niig, hĩnĩngĩtĩ harugi naana.

ꞌRooma 11:15

Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

Terethiinit 1:2

Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:11

Ma urutaa cĩ waathinniook iyyio hĩ ꞌnuth, aku hatĩ Nyekuci aaꞌnyĩk ĩhõõggõ hũrũgĩt tarĩ, nĩngĩtĩ ĩꞌngaannĩ ꞌjieena. Abulan hatĩ thõõth ciee eet baag acĩn ĩhõõggõ nẽ itingolli gẽrrẽẽt.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 11:3

Haaꞌnyihi hatĩ naa makaaꞌthĩt caannĩ põrõvẽtaaꞌnya ꞌramma ꞌcĩg ĩĩn hẽbẽrĩ cĩgannĩg ꞌcĩg aattĩg hatiꞌtheeta ho, hõõt hirrioottĩk eet waathinnioohĩĩ ꞌcĩg ĩĩn aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).”

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 14:11

Má ala ẽẽtĩ umwaa nyaharahaak hĩ ꞌthooura cĩnnĩ nẽ ẽlẽm nyamacaarwa cĩg ꞌthaar cĩgĩnnĩg, accananni hatĩ nẽẽ baalin hĩ waathĩn. Nẽ ĩꞌngaathĩ hatĩ bũrrẽtĩ cĩ ꞌcannan cĩnnĩ ho, hũũk hẽẽtahujjieen ooo haaga nẽ hõllõngaa hatĩ iyyioman ꞌcannaana ũdũt.”

Terethiinit 15:2

Ma ho, hudtuuha ꞌgiimwa ꞌcĩ attalĩth aaĩ hĩ gĩlaathĩ ꞌcĩ maka ĩĩkĩ bũlũc nẽ õꞌngõõtanoothĩk hĩ ꞌgwoo. Baa abĩlĩ eeta baag ĩllõõan nyaharahaak hĩ ꞌthooura hĩ ꞌliimira ꞌcĩ ẽtẽrꞌtha ꞌthaar cĩg nyaharahaahõ, gĩlaathaa ꞌcĩ maka ĩĩkĩ bũlũc ko. Baa aggam nẽẽg vẽlẽk addungẽẽt, ꞌcĩg baag aaꞌnyĩk Nyekuci ĩhõõggõ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 2:26

“Nẽ haaꞌnyihi hatĩ naa eet ꞌcĩ ũtũbũr thõõth cĩ ꞌThĩttaanõ nẽ ũꞌthũũtĩ lemiinit caannĩ ũdũt, makaaꞌthĩt ꞌcĩ aggamĩ loonyin vẽlẽk, ĩꞌthõng decciaanĩt cĩ lootu.

Terethiinit 20:6

Aggatan Nyekuci eet ꞌcĩg ẽllẽẽmĩth ꞌcĩg arũgtha nẽẽ daahĩthaa ꞌcĩ oou. Aitiõõ daahĩthĩ ꞌcĩ uruto hõllõngaa aꞌnyak ꞌtirrian hĩ ĩhõõggõ. Nẽẽthĩ, au hatĩ ĩĩn nẽẽg paadĩrꞌnya cĩg Nyekuci hĩ cĩg Krĩstõ, aggam hatĩ nẽẽg looc hõdẽĩ hĩ ĩnõõnnõ irkiꞌnyia aalib hõdẽĩ.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.

Terethiinit 7:3

“Ereeyyio da nõõ, ma hẽꞌthẽcannu looc hĩ bũlũc hĩ hẽẽna, ĩꞌthõng hamacaaratta muumti cĩg dticcianniook cĩg Nyekuci.”