Terethiinit 20:12 - ꞌBuuk cĩ Thõõth cĩ Nyekuci

¹² Nẽ tarĩ, hudtuuha eet baag adaahito ꞌcĩg hidicig hĩ ꞌcĩg obbitig, abĩlĩ muumaa cĩ dtaaba nicci. Nẽ ubbuukti ꞌbuuhẽta ꞌcĩg mẽẽlẽẽgĩ nẽ ikia ubbuuhi ꞌbuuhi cĩ rũgẽtõõ, nĩngĩtĩ etteedini thõõth cĩ eet baag ĩĩn daakiak, hĩ baa ꞌthẽk adtican nẽẽg ꞌgõõlaa ꞌcĩ eheeddi ꞌbuuhatõõ.

Terethiinit 20:12 Iomraidhean Croise

Maatteeo 11:22

Nẽẽthĩ haduhaakuunga, mẽẽn hatĩ ukẽẽnĩtĩ cĩ Nyekuci kõr cĩ decciaanĩt cĩ lootu, hĩ eet cĩg ꞌtaaũn cĩ ꞌTire hĩ cĩg ꞌThidõõnẽ hĩllõõan cunuung.

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

ꞌLuuka 10:20

Ma thĩ hinnia hatallu, hĩnĩngĩtĩ ĩthĩktuung loriẽẽta ꞌcĩg abathĩ. Atalit hĩnĩngĩtĩ eteheeddi ꞌthaara cugguung hẽẽtahujjieen.”

Dtiicanĩ cĩg ꞌThooyyiahu 24:15

nẽ haꞌnyahi naa buúk muhẽẽnĩt hõdẽẽthõng hĩ Nyekuc, hĩcĩ ꞌthẽk aꞌnyak eeta cieegi. Aaĩ ꞌthẽk hatĩ rũgaanĩtĩ cĩ eet ꞌcĩg abũnnaa hĩ ꞌcĩg ĩĩn ꞌthẽccanniook.

ꞌRooma 2:6

“Adũmanneet hatĩ Nyekuci ngagĩĩt hõdẽĩ hõdẽĩ, hĩnĩngĩtĩ dtiicanĩ ꞌcĩg baag hadĩman naaga.”

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Terethiinit 11:18

Baa alĩĩllĩ eeta cĩg loonyin vẽlẽk nẽ ikia iliiliuu nii buúk! Nẽ ꞌyioko, ikia kõrra ꞌcĩ etteedini thooꞌthioha cĩg daakiahu. Nẽ ikia kõrra ꞌcĩ aaꞌnyĩkĩĩ nii dticcianniook cugunnig ꞌcĩg ĩĩn põrõvẽtaaꞌnya ꞌbaaninit, hĩ eet vẽlẽk baag adĩhĩth ꞌthaar cugunnig, eetinii ꞌcĩg kidicig hĩ ĩcĩg obbitig vẽlẽk. Ikia kõrra ꞌcĩ aruhi Nyekuci eet vẽlẽk baag acũda looc.”

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 19:5

Nẽ hĩthĩha molook umwa ꞌcĩ aku dtaabawa ꞌcĩ aĩ, “Hĩdĩhĩthĩt Nyekuc, dticcianniooha cĩgĩnnĩg vẽlẽk, eeta vẽlẽk ꞌcĩg iꞌngolli ĩnõõnnõ, iꞌthianaanĩ eetinii ĩcĩg obbitig hĩ ĩcĩg kidicig vẽlẽk.”

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 20:13

Ma ho, aꞌnyaha bũlũc daakiak cĩgĩnnĩg nẽ aꞌnyaha daahĩthĩ hĩ habuccieet cĩnnĩ buúk, daakiak cĩgĩnnĩg. Ma nĩngaata, iita etteeddi thooꞌthioha cĩggĩĩng vẽlẽk ꞌgõõlaa cĩ thooꞌthiok ꞌcĩg baag adĩman nẽẽgĩ.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 21:27

Aitiõõ hatĩ hõllõngaa ẽlẽmaakĩ Nyekuci ꞌgii ꞌcĩ abathĩ huduhun ꞌtaaũn nicci. Nẽ aitiõõ hatĩ hõllõngaa ẽlẽmaakĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hĩ eet ꞌcĩg ĩĩn oloꞌngiaak huduhunit. Nẽẽthĩ, aduhun hatĩ eeta ꞌcĩg eteheeddi ꞌthaara cĩggĩĩng ꞌBuuhaa cĩ Rũgẽtõ ĩcĩ Mĩꞌnyoono dioo.

Terethiinit 22:12

“Cĩĩn nõõnĩ, hakuu naa hĩdĩĩkoothong! Hakuu hatĩ hadũmani eet vẽlẽk hĩ baa adtican nẽẽg thooꞌthiok ꞌcĩg abũnnaa.

Terethiinit 3:5

Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’