Terethiinit 20:1 - ꞌBuuk cĩ Thõõth cĩ Nyekuci

¹ Ma ho, hudtuuha aajĩlõ umwaa ꞌcĩ alluuccia hẽẽtahujjieen, ꞌcĩ aꞌnyaha mũhũta cĩ ꞌlook ꞌcĩ uuthik hiꞌthihi dtuurnanĩt, hĩ nyerikooc ꞌcĩ adĩddĩngĩĩ gẽrrẽẽt.

Terethiinit 20:1 Iomraidhean Croise

ꞌLuuka 8:31

Ma nĩngaata, alaacõ loriẽẽta ꞌcĩg abathĩ ho Yeesu hiittiõõ hõllõngaa iiggiaeek ĩhõõggõ ꞌloohatõõ ꞌcĩ hõllõngaa adtuurnihi.

2 Pẽẽtũrũ 2:4

Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 10:1

Nẽ hudtuuha aajĩlõ umwa ꞌcĩ attiran gẽrrẽẽt ꞌcĩ alluuccia hẽẽtahujjieen aku loota. Baa ammũta ĩnõõnnõ diith nẽ ohoorranoothĩk tõõlõngẽẽcĩ õõ cĩnnĩ. Baa aara muum cĩnnĩ haau hĩ kõrra nẽ aꞌnyak ꞌthoo ꞌcĩg aattĩg hĩ lanyit cĩ ꞌgwoyyio.

Terethiinit 18:1

Ma urutaa cĩ thooꞌthiok iccig vẽlẽk, hudtuuha aajĩlõ umwa ꞌcĩ alluuccia hẽẽtahujjieen ꞌcĩ aꞌnyak ꞌtirriani cobbi gẽrrẽẽt nẽ aara ẽlẽ cĩnnĩ hũttũhũl looc vẽlẽk, hĩnĩngĩtĩ bulẽẽnĩt.

Terethiinit 20:3

Ma ho, udhuheek aajĩlõ ĩnõõnnõ ꞌloohatõõ nẽ ũꞌnyũũgĩk haala nĩngaata, irkiꞌnyia aalib hõdẽĩ, hátĩ hiittiõõ hõllõngaa aku ĩggõõl eet ꞌcĩg lootu tarĩ. Nẽẽthĩ, aku hatĩ õõga aajĩlõ ĩnõõnnõ tarĩ, hikia nõõ hiyyioman hĩdĩhĩdĩĩc.