Terethiinit 2:9 - ꞌBuuk cĩ Thõõth cĩ Nyekuci

⁹ Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.

Terethiinit 2:9 Iomraidhean Croise

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

ꞌLuuka 12:21

“Aaĩ ꞌthẽk hatĩ hoti buúk hĩ eet ꞌcĩg itiangꞌtheek eleeti cĩggĩĩng baliinit cĩ looc nicci nẽ hõllõngaa aballi muumaa cĩ Nyekuci.”

ꞌLuuka 22:65

Nĩngĩtĩ õdõõmĩ ĩnõõnnõ thooꞌthiohĩĩ ꞌcĩg mẽẽlĩg gẽrrẽẽt.

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 26:11

Baa gõõng hõkõ naa korrioohĩĩ ꞌcĩg mẽẽlĩg ꞌCieethinii cĩg Laiittak, hũũk haaꞌnyĩk ĩhõõggõ huukti, nẽ hĩttĩmana ngaatĩ hattĩnganẽẽkĩ ĩhõõggõ hodoomito Krĩstõ. Nẽ baa haliillihi naa ĩhõõggõ nẽ hũũha ꞌtaaũnnioohĩĩ cĩg loonyin cĩrrĩĩng, hũũk haccanan ĩhõõggõ.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 2:17

Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc.

ꞌRooma 5:3

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,

ꞌRooma 8:35

Nganĩ ꞌcĩ occa eꞌngerreet ngagĩĩt mĩnnaanaa cĩ Krĩstõ? Eꞌngerreet occa pĩĩrnanĩtĩ hode ukẽẽnĩtĩ hode nyarõnĩ hode arriẽẽꞌthĩta hode bathi hode jõrẽẽĩ?

ꞌRooma 9:6

Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

2 Korinthia 8:2

Tananga baa haꞌnyahit nẽẽg authet ꞌcĩ õkõmĩ nẽ tarĩ ĩĩtõ pĩĩrnattiaak, baa accamanoothĩk nẽẽg nẽ itikta ꞌbaaninit taliitta.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

1 Tẽꞌthaloonika 3:4

Nẽ dĩdĩ, baa gõõng haduhaakuung naag ngagiit baa nga harũmĩ hĩ ngagiit hanneekuung, haccananni hatĩ naaga. Nẽ ꞌyioko, hiita haccanattĩ dĩdĩ hĩcĩ ꞌthẽk agayyu niig buúk ko.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 2:2

“Haga naa hẽlẽggĩ vẽlẽk ꞌcĩg adĩmannu niiga nẽ hĩcĩna ngaatĩ adticaniinnu gẽrrẽẽt, hĩ ngaatĩ emmeeꞌthu thooꞌthiok. Nẽ tarĩ, hagawa ngaatĩ hõllõngaa anuꞌthaannu eet ꞌcĩg abathĩ. Ittiamattu niig eet ꞌcĩg õõlõng aĩ, hĩĩgĩnna ꞌthooyyiak nẽ ĩko nẽẽ hõllõngaa ĩĩn ꞌthooyyiak dĩdĩ. Ummuddiaau niig dĩdĩ, ngaatĩ ĩĩnnĩ nẽẽg oloꞌngiaak.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.

Terethiinit 3:9

Ĩcĩnĩt nõõ, hattĩnganeehi hatĩ naa eet cĩg ꞌcieeth cĩ ꞌThĩttaanõ, hiita hakattieehuung ngagiit huruꞌnyia, ĩĩn nẽẽg oloꞌngiaak ꞌcĩg õthõõth aĩ, hĩĩgĩnna eet cĩg ꞌJudeei nẽ ĩko hõllõngaa ĩĩn eet cĩg ꞌJudeei dĩdĩ. Au hatĩ aga nẽẽg ngaatĩ iiginnu niig eet ꞌcĩg hammĩnannuung naana.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.