Terethiinit 2:7 - ꞌBuuk cĩ Thõõth cĩ Nyekuci

⁷ “Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 2:7 Iomraidhean Croise

ꞌThianaattõ 2:9

Baa nẽ ẽtẽhẽnya Makayyioohiti Nyekuci hẽẽn vẽlẽk ꞌcĩg abũnnaa gẽrrẽẽt ngaatĩ hacĩnĩ hĩ ngaatĩ haduhi. Nẽ hõrggẽẽnaa cĩ manu, baa aattĩg hẽẽna ꞌramma, hẽẽt cĩ rũgẽtõ hĩ hẽẽt ꞌcĩ hagaĩ thõõth ꞌcĩ abũnnaa hĩ ꞌcĩ abathĩ.

Maatteeo 11:15

Ẽẽtĩ ꞌcĩ aꞌnyak ĩĩna, aꞌnyĩĩk hĩthĩhõ jurrung.

Maatteeo 13:43

Nẽ eeta vẽlẽk ꞌcĩg adĩman thooꞌthiok ꞌcĩg abũnnaa, alanyĩt hatĩ nẽẽg haauto hĩ kõrra habuccieetaa cĩ Nyekuc ꞌcĩ ĩĩn Maaꞌnyĩ cĩnĩĩng. Nẽ ẽẽtĩ ꞌcĩ aꞌnyak ĩĩna, aꞌnyĩĩk hĩthĩhõ jurrung!

Maatteeo 13:9

Ẽẽtĩ ꞌcĩ aꞌnyak ĩĩna, aꞌnyĩĩk hĩthĩhõ!”

Maarko 4:9

Nĩngĩtĩ aduhaakĩ Yeesu lothippit annẽẽkĩ, “Nẽẽthĩ, ẽẽtĩ ꞌcĩ aꞌnyak ĩtat aꞌnyĩĩk hĩthĩhõ.”

Maarko 7:15

aitiõõ ꞌgẽẽn ꞌcĩ adak ẽẽtĩ hõllõngaa aaꞌnyĩk eet hĩĩ ꞌriiring hiittiõõ hõllõngaa ala Nyekuc. Thooꞌthiok ꞌcĩg aduha ẽẽtĩ ꞌcĩg abathĩ, ꞌcĩg aaꞌnyĩk eet hĩĩ ꞌriiring ko.

Maarko 7:16

Nẽ má aꞌnyak ẽẽtĩ umwaa ĩĩn ꞌcĩg athĩknẽẽnĩ, aꞌnyĩĩk hĩthĩhõ.”

ꞌLuuka 23:43

Nẽ ẽdẽc Yeesu ĩnõõnnõ ĩĩnnĩk, “Haduhaakii dĩdĩ, harũmĩ hatĩ naag hĩ nganiit kõr nicci paradiiꞌthõ.”

ꞌLuuka 8:8

Nẽ baa ĩꞌthaattothoothĩk hinyomona ũgẽẽgĩ ꞌthẽẽmĩĩ ꞌcĩg abũnnaa. Ma baa abũtha ho, iita ibbiirito jurrung hĩllõõanit baag athacci ĩĩcĩ oou tabattĩ ꞌmiia hõdẽĩ.” Ma baa uduha Yeesu thooꞌthiok iccig ẽlẽk, irrioon ĩĩ, “Aꞌnyĩĩk eet ꞌcĩ aꞌnyak ĩtat hĩthĩhõ!”

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

1 Korinthia 2:10

Nẽẽthĩ, baa eteretheeheet Nyekuci ngagĩĩt thooꞌthiok iccig Loriiaa cĩnnĩ. Atarraaban Lorii thooꞌthiok vẽlẽk, tananga thooꞌthiok ꞌcĩg aaddi cĩg Nyekuci.

2 Korinthia 12:4

Nẽẽthĩ, baa õkõõĩ honoothi ĩnõõnnõ hẽẽtahujjieen ngaatĩ baa õkõ athĩknĩ hẽlẽggĩ ꞌcĩg ẽllẽẽmĩth gẽrrẽẽt, ꞌcĩg anyamanneet ngaatĩ hathithanĩ.

1 Yõaannẽ 2:13

Hẽhẽẽdakuung naa ngagiit nyakangaaꞌnya hĩ morwak waraga, hĩnĩngĩtĩ agayyu niig Krĩstõ baa aaĩ baa nga heteheꞌnyiaa lõõcĩ. Nẽ tarĩ, hẽtẽhẽẽdahuung waraga ngagiit nyahaappanĩt hĩ buheeci, hĩnĩngĩtĩ ĩllõõattu niig ꞌThĩttaan.

Terethiinit 13:9

Nẽ ẽẽtĩ ꞌcĩ aꞌnyahi ĩĩna, thĩhõõ jurrung.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 15:2

Ma ho, hudtuuha ꞌgiimwa ꞌcĩ attalĩth aaĩ hĩ gĩlaathĩ ꞌcĩ maka ĩĩkĩ bũlũc nẽ õꞌngõõtanoothĩk hĩ ꞌgwoo. Baa abĩlĩ eeta baag ĩllõõan nyaharahaak hĩ ꞌthooura hĩ ꞌliimira ꞌcĩ ẽtẽrꞌtha ꞌthaar cĩg nyaharahaahõ, gĩlaathaa ꞌcĩ maka ĩĩkĩ bũlũc ko. Baa aggam nẽẽg vẽlẽk addungẽẽt, ꞌcĩg baag aaꞌnyĩk Nyekuci ĩhõõggõ.

Terethiinit 2:11

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ ẽẽtĩ ꞌcĩ abũrĩ thõõth cĩ ꞌThĩttaanõ ũdũt, aitiõõ hatĩ ẽẽtĩ tĩho hõllõngaa õkõ accananni ꞌgwoyyiaa ꞌcĩ aalla ooo, hĩnĩngĩtĩ daahĩth ꞌcĩ uruto niccia.”

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 22:2

Ariha hidiaa nicciee hõrggẽẽnaa cĩ ꞌtaaũnõõ nẽ ũnũ ꞌgõõl cobbi cĩ ꞌtaaũn nicci. Dẽmẽtwaanĩĩ cĩg hidioo nicci, aaĩ hẽẽt cĩ rũgẽtõõ, ꞌcĩ õddõngõt nyĩlõhẽẽnnĩ vẽlẽk. Õddõngta hẽẽt nicciee hẽẽn ꞌcĩg abbiiri õmmõtõ hĩ ꞌramma nẽ bõllõõha cĩgĩnnĩg buúk ĩĩn ẽgẽrnaac ꞌcĩ ahũd eeta loonyini vẽlẽk hũbũttaathõ ũdũt, hátĩ hiittiõõ mõõrĩthĩ tõõ.