Terethiinit 2:3 - ꞌBuuk cĩ Thõõth cĩ Nyekuci

³ Baa emmeeꞌthu niig thooꞌthiok nẽ accanatteeu gẽrrẽẽt, hĩnĩngĩtĩ nganĩĩta nẽ aalla nga ippiirria ũdũt.

Terethiinit 2:3 Iomraidhean Croise

Maarko 15:21

Ma ꞌgõõla, iita ommottio athegereeꞌnya hĩ eet umwa ꞌcĩ haĩ ꞌThimõõnẽ, maaꞌnyĩ Alĩthandoro hĩ ꞌRuuvo, ꞌcĩ aku ĩĩcĩ looc ꞌcĩ haĩ Cireene. Ma ho, aggamit nẽẽg ꞌThimõõnẽ nẽ ĩttĩngatteek hirriongan hurucce cĩ Yeesu.

ꞌLuuka 14:27

Nẽ ẽẽtĩ ꞌcĩ hõllõngaa irriongan hurucce cĩnnĩ nẽ ũnũa nganĩĩta, hõllõngaa ĩĩn nẽẽ buúk nuyyioohit caannĩ.

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

ꞌLuuka 21:19

Ĩbĩlĩt kõmĩĩtha hatĩ ummuddia rũgẽt.

ꞌLuuka 5:5

Ẽdẽcĩ hinnia ꞌThimõõnẽ aĩ, “Makayyioohit, hĩttĩmatta aabaal haal, nẽ hiꞌthihi ꞌgii ꞌcĩ haggamma. Nẽẽthĩ, hĩcĩ aduha nii ho, ĩꞌnya mĩĩ nẽẽ hajanẽẽhĩ naa noho.”

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

Yõaannẽ 15:21

“Adĩmannuung hatĩ nẽẽg buúk ngagiit ꞌbuth, hĩnĩngĩtĩ nganĩĩta, nẽẽthĩ, baa aitiõõ nẽẽg hõllõngaa aga Eet baa ĩꞌthõõannaa nganĩĩta.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 16:12

Ĩꞌthaac ngoonogeet Tirivẽna hĩ Tirivoꞌtha, baag ĩĩn dticcianniook cĩg Makayyiooktak. Ĩꞌthaac Perthith buúk ꞌgõõna cĩ ꞌthĩnĩtõ, ngaa baa adticanni gẽrrẽẽt ꞌthaarĩĩ cĩg Makayyiooktak.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 8:25

Nẽẽthĩ, má haarĩk naag muhẽẽnĩt ꞌcĩ abũnnaa ꞌgiiaa ꞌcĩ nga haꞌnyahit, hẽrẽẽc ĩnõõnnõ temeethitta.

1 Korinthia 13:7

Eteiini mĩnnanĩ eet hõdõõkõthĩ nẽ aꞌnyak lemiinit hĩ eet hõdõõkõthĩ nẽ aꞌnyak muhẽẽnĩt ꞌcĩ abũnnaa nẽ aalla mĩnnanĩ hõdõõkõthĩ.

1 Korinthia 16:16

elemit eet ꞌcĩg aattĩg hoti, hĩ eet vẽlẽk ꞌcĩg au arũmoothiku hĩ ngagiit nẽ idticattoou hõdẽĩ.

2 Korinthia 10:15

Baa hõllõngaa hirrianna naag dtiic ꞌcĩ adtican eeta ũgẽẽgĩ, haau hĩ dtiici ꞌcĩ hadticanna naaga. Nẽ muhẽẽttaa cĩnaang, hĩcĩ ikia ĩttõõrĩ lemiiniti cunuung ĩĩ maka ho, hau hatĩ haduhaak naag eet ꞌcĩg mẽẽlĩg nyeemuut ꞌcĩ abũnnaa cĩ Krĩstõ. Nẽ ĩĩn ciee dtiic cĩnaang ꞌcĩ hammuka hõdõõkõthĩ hidticatta.

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

2 Korinthia 5:9

Tananga haaut õlõ hẽẽtahujjieen hĩ Makayyioohit hode nga harũgĩ naag loota nĩnga, nga ꞌthẽk hadiim naag Makayyioohit haccamanoothĩk.

2 Korinthia 6:5

Baa huuktea naag nẽ haarrihoothĩha baabuuthatõõ nẽ uukeet lothippiti ngagĩĩt tabattĩ mẽẽlĩg. Hidticattooa naag gẽrrẽẽt nẽ hacĩneenna haal hiꞌthihi ꞌgẽẽn.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Kolooꞌthe 1:11

Halaiinna naag, hátĩ okomit niig bulẽẽttaa cĩ ꞌtirrian cĩnnĩ, hátĩ aꞌnyahit temeethi vẽlẽk ꞌcĩ adiimmu niiga. Aꞌnyĩĩk Nyekuc haaꞌnyuung taliinit.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Tẽꞌthaloonika 5:12

Hõlõ, halayyuung ꞌthinneeti cugguung, itingolli makayyiook cugguung ꞌcĩg ũũhayyuung nẽ idticattõõ gẽrrẽẽt hõrggẽẽnaa cunuung nẽ illimatteehuung ngagiit thõõth cĩ Makayyioohit Yeesu ho.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

2 Tẽꞌthaloonika 3:5

Hala naa Makayyioohit, hátĩ heteretheehuung ngagiit aꞌnyahit mĩnnan ꞌthinneetinii cugguung, haau hĩcĩ aꞌnyak Nyekuci nẽ etemeeꞌthu thooꞌthiok aauto hĩ Krĩstõ.

2 Tẽꞌthaloonika 3:8

Nẽ nga huduktooa athĩnĩĩ cĩg eet ũgĩ haaga, ĩnõõ baa hadticaniinna naag waathĩn hĩ baalin gẽrrẽẽt, hátĩ hiittiõõ hõllõngaa haccananna eet umwa hõrggẽẽnaa cunuung.

1 Timotteeo 4:10

nẽ hadticaniinna gẽrrẽẽt, ngaatĩ haarĩka muhẽẽnĩt cĩnaang hĩ Nyekuc ꞌcĩ arũgĩ, ꞌcĩ ĩĩn Ellioohit cĩ eet vẽlẽk, hĩ dẽẽdẽ eet ꞌcĩg elemit ĩnõõnnõ.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.

Ebereei 10:36

Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

Ebereei 13:13

Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

2 Pẽẽtũrũ 1:6

nẽ ittoorrihu ꞌgẽẽnyĩth authet cĩ haꞌthũũnnĩ eleeti jurrung nẽ ittoorrihu authet ꞌcĩ haꞌthũũnnĩ eleeti temeethi nẽ ittoorrihu temeethi ꞌgõõl ꞌcĩ haaꞌnyĩkĩ Nyekuc haccamanoothĩk;

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.