Terethiinit 2:13 - ꞌBuuk cĩ Thõõth cĩ Nyekuci

¹³ Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 2:13 Iomraidhean Croise

Maatteeo 10:23

Ma adĩmannuung eeta ꞌbuth ngaamwaanĩ, ũtũngteek nĩngĩtĩho nẽ ivvirru oottu ngaatĩ ꞌrĩĩng. Haduhaakuunga, hõllõngaa hatĩ ẽdẽcaaku ngaatĩ ooyyu ꞌtaaũnnioohĩĩ cĩg Ĩꞌthĩraẽlĩ vẽlẽk, õõaa ꞌcĩ nga hikiaaĩ Ngeertĩ Eeto.

Maatteeo 24:9

“Aggamiinnu hatĩ nẽ aarrihoothihu baabuuth nẽ uukteu hode aruheennu thõng buúk. Akannannuung hatĩ eeta cĩg loonyin vẽlẽk, hĩnĩngĩtĩ nganĩĩta.

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

ꞌLuuka 21:17

Aaburreekuung hatĩ eeta vẽlẽk, hĩnĩngĩtĩ nganĩĩta.

Dtiicanĩ cĩg ꞌThooyyiahu 22:20

Baa aruhi Tẽẽvẽnõ, baa habili naa nĩngaata ngadiiha, hĩcĩneek ĩnõõnnõ daahĩth nẽ hẽbẽha ceremwa cĩg eet ꞌcĩg aruk ĩnõõnnõ ho.’

Dtiicanĩ cĩg ꞌThooyyiahu 9:14

Nẽ ꞌyioko, aku nẽẽ ngaati, hĩnĩngĩtĩ aanytĩk makayyiooha cĩg paadĩrꞌnyaannu makaaꞌthĩt, hikia haggam eet ꞌcĩ alayyi ꞌthaarĩĩ cugunnig.”

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

1 Timotteeo 5:8

Má aaĩ ẽẽtĩ umwaa ꞌcĩ hõllõngaa aallak ittioonniok cĩgĩnnĩg, ettebehini halang cĩnnĩ dẽẽdẽ, ũtũbũr nẽẽ thõõth cĩ Nyekuci ẽlẽk, abathõõthĩ nẽẽ gẽrrẽẽt, hĩllõõan eet ꞌcĩ nga haꞌnyak lemiinit.

2 Timotteeo 1:13

ꞌThũũtĩ thõõth baa hallimaneekii naa, lemiitta nẽ ĩmmĩnanuu Yeesu Krĩstõ.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

Ebereei 10:23

Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

ꞌJeemith 2:7

Hõllõngaa nooyyia ĩhõõggõ ꞌcĩg arannĩ ꞌthaar ꞌcĩg abuli cĩg Makayyioohit cunuung?

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 11:3

Haaꞌnyihi hatĩ naa makaaꞌthĩt caannĩ põrõvẽtaaꞌnya ꞌramma ꞌcĩg ĩĩn hẽbẽrĩ cĩgannĩg ꞌcĩg aattĩg hatiꞌtheeta ho, hõõt hirrioottĩk eet waathinnioohĩĩ ꞌcĩg ĩĩn aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).”

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 13:2

Nẽ nyaharahaahĩ ꞌcĩ hacini naa ho, aꞌnyak ẽlẽ hĩ hẽẽlangĩ nẽ aattĩg ꞌthoona hĩcĩg nyemumuuak nẽ aꞌnyak ũtũg hĩ ꞌmaa. Ma ho, aaꞌnyĩk ꞌbuuhi dtaaba hĩ ꞌtirrian hĩ makaaꞌthĩt cĩnnĩ vẽlẽk, nyaharahaak nicci.

Terethiinit 14:12

Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 2:2

“Haga naa hẽlẽggĩ vẽlẽk ꞌcĩg adĩmannu niiga nẽ hĩcĩna ngaatĩ adticaniinnu gẽrrẽẽt, hĩ ngaatĩ emmeeꞌthu thooꞌthiok. Nẽ tarĩ, hagawa ngaatĩ hõllõngaa anuꞌthaannu eet ꞌcĩg abathĩ. Ittiamattu niig eet ꞌcĩg õõlõng aĩ, hĩĩgĩnna ꞌthooyyiak nẽ ĩko nẽẽ hõllõngaa ĩĩn ꞌthooyyiak dĩdĩ. Ummuddiaau niig dĩdĩ, ngaatĩ ĩĩnnĩ nẽẽg oloꞌngiaak.

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.