Terethiinit 19:8 - ꞌBuuk cĩ Thõõth cĩ Nyekuci

⁸ Ahimtoothĩk hatĩ ngaa nicci ceremwaana ꞌcĩg õõppẽr ꞌcĩg anyũttĩĩ.” Nẽ ceremwaana ꞌcĩg õõppẽr ꞌcĩg ahimit nẽẽ ho, ĩthakꞌthoothĩk thooꞌthiok ꞌcĩg abũnnaa baag adĩman eeta cĩg Nyekuci loota nĩnga.

Terethiinit 19:8 Iomraidhean Croise

Maatteeo 17:2

Ma muuraa tĩho, ikia ũtũhũĩ ẽlẽ cĩ Yeesu hẽbẽrẽẽnnĩĩ cĩggĩĩng hattaal hĩĩ õõppẽr. Baa attaalĩth muum cĩnnĩ haau hĩ kõrra nẽ attaalito ceremwaana cĩgĩnnĩg buúk, haauto hĩ lanyit cĩ korro.

Maatteeo 22:12

Nĩngĩtĩ ajini nẽẽ ĩnõõnnõ annẽẽkĩ, ‘Ẽlẽ ꞌgõõna, adukna hatĩ nii ꞌgõõlẽẽna, aitioonni ceremwaana cĩg nyahũũtaawak tõõ ho?’ Baa aitiõõ thõõth ꞌcĩ aduha ẽẽtĩ nicciee tõõ.

Maarko 9:3

hattaalito ceremwaana cĩgĩnnĩg hĩĩtõ õõppẽr hĩllõõanit, hiittiõõ hõllõngaa aduhõõ hĩ ꞌcĩg occa ũũny ẽẽtĩ umwaa loota nĩnga vẽlẽk.

ꞌLuuka 24:4

Ma baa nga ĩccaad ĩhõõggõ thõõth cieeni, uppwaatta eeta ꞌramma ꞌcĩg ahimit ceremwa ꞌcĩg attaalĩthĩ nẽ ĩbĩlĩt ojoonu ngaatĩ aattiyyi nẽẽg ko.

Dtiicanĩ cĩg ꞌThooyyiahu 1:10

Ma baa nga akannĩ ꞌthooyyiaha hẽbẽrĩ hẽẽtkujjieen, uppwaatta eeta ũgẽẽgĩ ꞌramma hĩdĩĩkoothong ꞌcĩg ahimit ceremwa ꞌcĩg õõppẽr, hiita hĩbĩlĩt ngadiiha.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 15:6

Ma ho, uduhutta aajĩlẽẽta baag ĩĩn tũkĩramma ho, ꞌCieetõõ cĩ Nyekuci battaala, aꞌnyaha ꞌthereeni tũkĩramma buúk. Baa ahimit nẽẽg ceremwa ꞌcĩg õõppẽr nẽ amarũũhĩtõ ceremwa ꞌcĩg ĩĩn ꞌdaab iyyõõtini.

Terethiinit 19:14

Nẽ baa anũ ĩnõõnnõ ũũrũtana ꞌcĩg au hẽẽtahujjieen, ꞌcĩg aꞌthuhan nyangõõllẽẽꞌnya ꞌcĩg õõrĩg nẽ itihimit ceremwa ꞌcĩg õõppẽr ꞌcĩg anyũttĩĩ.

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.