Terethiinit 19:7 - ꞌBuuk cĩ Thõõth cĩ Nyekuci

⁷ Haccamattoothĩk nẽ hubuluthit ĩnõõnnõ, hĩnĩngĩtĩ ikia kõrra cĩ nyahũũta cĩ Mĩꞌnyoono nẽ ũkũmanoothĩk ngaa cĩnnĩ ẽlẽk.

Terethiinit 19:7 Iomraidhean Croise

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

Maatteeo 22:2

“Aaĩ habuccieet cĩ hẽẽtkujjieen hĩ habuui ꞌcĩ akũmaneek karrama cĩ nyahũũta cĩ ngeerĩnĩ.

ꞌLuuka 12:36

aaut hĩ eeta ꞌcĩg ẽrẽẽa makayyioohit cĩnĩĩng hõbõda nyahũũtaawa. Ma õbõda makayyioohiti nẽ uruk hattũũg, abbuuhik hatĩ nẽẽg ĩnõõnnõ hattũũg hĩdĩĩkoothong.

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

Eevvetho 5:23

Hĩnĩngĩtĩ maac ꞌcĩ ĩĩn makayyioohit cĩ ngaa cĩnnĩ, hĩcĩ ĩĩn Krĩstõ makayyioohit cĩ lothippit cĩ lemmiook ꞌcĩg ĩĩn ẽlẽ cĩnnĩ nẽ ĩĩ Ellioohit cĩnĩĩng.

Eevvetho 5:32

Ĩĩn ciee thõõth ꞌcĩ ĩllõõan ꞌgẽẽnyĩth cĩ eetu, nẽẽthĩ, hothoothi naa Krĩstõ hĩ lothippit cĩ lemmioohu.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Terethiinit 11:13

Ma nĩngaata noho, uluba hirihidtihi cobbi gẽrrẽẽt, ꞌcĩ alib ꞌtaaũn ĩĩcĩ odoyyii hadaahito eeta aalibꞌnya tũkĩramma. Nẽ iita abarritit eeta ũgẽẽgĩ ꞌcĩg baag nga arũgĩ, nĩngĩtĩ abulꞌthĩ nẽẽg Nyekuc ꞌcĩ aaĩ hẽẽtahujjieen, taliittaa cobbi.

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”