Terethiinit 19:6 - ꞌBuuk cĩ Thõõth cĩ Nyekuci

⁶ Ma nĩngaata, hĩthĩha molook umwa cĩ lothippit cobbi ꞌcĩ ẽggẽrẽny hĩ tawanĩ cobbi nẽ ĩccaaõ hĩ bõrõhẽẽcĩ, ẽggẽrẽny mõlõõhĩ nicciee gẽrrẽẽt aĩ, “Hatalit nẽ hĩdĩhĩthĩt Makayyioohit Nyekuc ꞌTirriannioohit ꞌcĩ ĩllõõan vẽlẽk gẽrrẽẽt ũdũt. Ĩĩn nẽẽ habu cobbi ꞌcĩ aggam looc vẽlẽk.

Terethiinit 19:6 Iomraidhean Croise

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

Terethiinit 1:15

Attalĩth ꞌthoona cĩgĩnnĩg haauto hĩ ꞌthĩĩha ꞌcĩg maattĩg ꞌcĩg ĩwaaddi lohippongora nẽ õrõk mõlõõhĩ cĩnnĩ hĩ maama ꞌcĩg arik thõng.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 12:10

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.

Terethiinit 14:2

Ma ho, hĩthĩha molook umwa ꞌcĩ aku hẽẽtahujjieen ꞌcĩ ẽggẽrẽny hĩ maama cĩg tawaanak, hode aaĩ hĩgõõng ĩccaayyi bõrõhẽẽcĩ hatĩ atĩĩlĩ tammu nẽ gõõng õrõk hĩ addungẽẽta ꞌcĩg aruk benniooha.

Terethiinit 19:1

Ma uruta, hĩthĩha molook cĩ lothippit cobbi hẽẽtahujjieen ꞌcĩ ẽggẽrẽny aĩ, “Hadihiꞌthii naag nganiita Nyekuc! Aku ꞌtirrianĩ cobbi vẽlẽk hĩ nganiit ꞌcĩ ẽẽlanneet ngagĩĩta,

Terethiinit 19:4

Ma uruta, akatit makayyiooha ꞌcĩg ĩĩn hẽẽn ꞌramma hĩ ꞌwec, hĩ hẽlẽggĩ ꞌcĩg ĩĩn ꞌwec arũgĩ ho, huruꞌnyia muumaa cĩ dtaaba cobbi cĩ Nyekuci nẽ alaacõ ĩnõõnnõ ĩĩtõ, “Aamẽn! Hĩdĩhĩthĩt Makayyioohit!”

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 4:5

Nẽ dtaabawa nĩĩcĩ, ammadĩ lõõcĩ nẽ ẽggẽrẽny bõrõhẽẽcĩ gẽrrẽẽt. Ĩĩcĩ muum cĩ dtaaba nicci, alanyĩt ꞌgwoyyiẽẽna tũkĩramma ꞌcĩg ĩĩn Loriẽẽt cĩg Nyekuci.

Terethiinit 6:1

Ma ho, hudtuuha Mĩꞌnyõõn ngaatĩ avvahanĩ waraga ꞌcĩ oou waragẽẽtĩĩ ĩbaag ĩĩn tũkĩramma adili doollianga nẽ hĩthĩha molook ꞌcĩ oou hẽlẽggẽẽnnĩĩ ꞌcĩg ĩĩn ꞌwec arũgĩ ho, ẽggẽrẽny hĩ bõrõhẽẽcĩ aĩ, “Ijjia!”

Terethiinit 8:5

Ma nĩngaata, ittiha aajĩlõ lohilihili cĩ mõhõõkacõõ nẽ ũttũhũla ꞌgwoo altaarĩa nẽ ammarkiihak looc. Ma ho, ikia ẽggẽrẽny tammu nẽ ammad gẽrrẽẽt hĩ hirihidtik cobbi ꞌcĩ õmmõõnnĩ looc vẽlẽk.