Terethiinit 19:10 - ꞌBuuk cĩ Thõõth cĩ Nyekuci

¹⁰ Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 19:10 Iomraidhean Croise

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maarko 5:22

Ma ho, uppwaanna ẽẽtĩ umwaa ꞌcĩ haĩ ꞌJairo eetinii ꞌcĩg baag ĩĩn makayyiook cĩg ꞌCieeth cĩ Laiitto. Ma acĩn ꞌJairo Yeesu ho, ẽttẽẽd looc ꞌthõõnĩĩ cĩgĩnnĩg,

Maarko 7:25

Baa aaĩ ngaa umwaa ꞌcĩ aꞌnyak bũhaanyĩnĩ lori ꞌcĩ abathĩ nẽ baa ĩthĩk nẽẽ aĩ, aaĩ Yeesu nĩngaata. Ma ho, ũũk ẽttẽẽd ngaa nicciee looc ꞌthõõnĩĩ cĩg Yeesu.

ꞌLuuka 1:19

Ma ho, ẽdẽc aajĩlõ nicciee ĩnõõnnõ ĩĩnnĩk, “Haĩnna nganĩĩt ꞌGaburẽẽlẽ, dticciannioohit cĩ Nyekuci. Hĩꞌthooyyia naa hikia huduhaahii nganiit nyeemuut ꞌcĩ abũnnaa ho.

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Dtiicanĩ cĩg ꞌThooyyiahu 10:43

Baa õthõõth põrõvẽtaaꞌnya vẽlẽk aĩ eeta ꞌcĩg ẽlẽmĩ Yeesu, ũũnnothoothĩk hatĩ ꞌthẽccanẽẽta cĩggĩĩng ꞌthaarĩĩ cĩgĩnnĩg.”

Dtiicanĩ cĩg ꞌThooyyiahu 13:27

Baa hõllõngaa aga eeta cĩg ꞌJeruꞌthalẽmĩ hĩ ꞌgaala cĩggĩĩng Yeesu. Nẽ hõllõngaa athĩhĩ thooꞌthiok cĩg põrõvẽtaaꞌnyanu ꞌcĩg ara agiil nẽẽg hõdõõkõthĩ Kõr cĩ ꞌYiommaanõ ho ũdũt.

2 Korinthia 8:7

Adticaniinnu niig gẽrrẽẽt hĩllõõan eet vẽlẽk. Aꞌnyaku niig lemiinit ꞌcĩ õkõmĩ, othooꞌthu niig jurrung nẽ agayyu thõõth ꞌcĩ maka. Hõllõngaa appĩĩrnannu ngaatĩ aaꞌnyiku ꞌbaaninit hĩ Nyekuc nẽ ĩmmĩnatteetu niig ngagĩĩt buúk jurrung. Nẽẽthĩ ꞌyioko, hadiimma aaꞌnyiku ꞌbaaninit taliittaa cĩ ꞌthinneeti cugguung hĩllõõan eet vẽlẽk.

Eevvetho 5:15

Nẽẽthĩ, ĩcĩnĩt authet ꞌcĩ aattiyyu jurrung. Ma haattiyyu hĩ ꞌgiiꞌthiaha, aaut hĩ ꞌgeeꞌnyiaha.

Eevvetho 5:33

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

1 Yõaannẽ 5:10

Má hẽlẽmĩ naag Ngeertĩ Nyekuci, helemit naag thõõth ꞌcĩ aduha Nyekuci, hĩnĩngĩtĩ Ngeerĩnĩ. Nẽ má hõllõngaa hẽlẽmĩ naag thõõth ꞌcĩ aduha Nyekuci, hĩnĩngĩtĩ Ngeerĩnĩ, aduhõõ ngaatĩ occa hakannẽẽkĩ Nyekuc õlõng thõng.

1 Yõaannẽ 5:21

Niiga lõhõlẽẽtĩg, ũtũbũrĩt hẽlẽggĩ ꞌcĩg aar eeta hĩĩtõ nyekuꞌnya.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 14:7

Baa ẽggẽrẽny aajĩlõ ciee gẽrrẽẽt aĩ, “Itingolli Nyekuc nẽ alaac ĩnõõnnõ! Õbõhĩ kõrra ꞌcĩ aku ẽttẽẽdĩ nẽẽ thooꞌthiok cĩg eetuk. Alaac ĩnõõnnõ, hĩnĩngĩtĩ baa ẽhẽnyta nẽẽ hẽẽtkujjieen hĩ looc, hĩ bũlũccwa hĩ hidiowwẽẽn vẽlẽk.”

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 4:10

Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc ꞌcĩ aaĩ dtaabawa nẽ ĩĩn nẽẽ Nyekuc ꞌcĩ aalla ooo. Nẽ itikta tẽmẽdẽhĩt cĩggĩĩng aarrik loota muumaa ꞌcĩ dtaaba nicci nẽ ĩĩtõ,