Terethiinit 18:10 - ꞌBuuk cĩ Thõõth cĩ Nyekuci

¹⁰ Aaꞌnyĩk hatĩ pĩĩrnanĩtĩ cĩ ꞌtaaũn nicci obbi ho ĩhõõggõ hitingolli nẽ ibillia ꞌrẽẽna nẽ ĩĩtõ, “ ‘Pĩĩrnanĩt tĩhathini nicciee ꞌtaaũn cobbi ho! Babiloonnia, ꞌtaaũn cobbi ꞌcĩ attiranĩ! Aku cuddiaanĩtĩ cunni ꞌthaa hõdẽẽthõng haaga!’

Terethiinit 18:10 Iomraidhean Croise

Terethiinit 11:8

Ibbaattĩg hatĩ eleeti cĩggĩĩng loota, ꞌtaaũnaa ĩbaa õdõddõthõõthĩkĩ Makayyioohiti cĩnĩĩng hurucceea. Nẽ ꞌtaaũnĩ niccia, aduhõõ hĩ ꞌThõõdõm hĩ Ijjib thõng.

Terethiinit 14:8

Nẽ ũnũa aajĩlõ nicci ꞌgoonnia umwaa ꞌcĩ ĩĩn ꞌramma ꞌcĩ ẽggẽrẽny aĩ, “Irribanĩ ꞌtaaũnĩ cobbi cĩ Babiloonnia! Hĩnĩngĩtĩ aaꞌnyĩk eet vẽlẽk hũdũũtĩtõ mẽrtaa cĩ viinoo nẽ ĩdĩmanit thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ tahatak. Nẽẽthĩ ꞌyioko, ĩlĩĩlĩ Nyekuci nẽ irriban Babiloonnia.”

Terethiinit 16:19

Nĩngĩtĩ aku alibiẽẽnĩ ꞌtaaũnĩ cobbi cĩ Babiloonnia hĩĩ iyyio nẽ tarĩ, iita ilibti ꞌtaaũnniooha cĩg loonyin vẽlẽk buúk hĩĩ ꞌthĩĩ. Nĩngĩtĩ ammuhaanĩ Nyekuci ꞌthẽccanẽẽt cĩg eet cĩg Babiloonnia vẽlẽk nẽ uuk ĩhõõggõ lĩĩlĩẽẽtta.

Terethiinit 17:12

“Nẽ otto ꞌcĩg ĩĩn õmmõtõ ho, ĩĩn habuẽẽt õmmõtõ ũgĩ tarĩ, ꞌcĩg hatĩ au aggam habuẽẽꞌthĩt cĩnĩĩng hĩ nyaharahaak hõdẽĩ kõr hõdẽẽthõng haaga.

Terethiinit 18:18

Ma baa ĩcĩttõõthĩ nẽẽg bũrrẽt ꞌcĩ atũũthẽnĩ ꞌtaaũnĩ nicciee obbi ho, iita eggerenyit nẽẽg ĩĩtõ, ‘Baa aitiõõ ꞌtaaũnĩ loota nĩnga vẽlẽk cobbi gẽrrẽẽt, ꞌcĩ ĩllõõan icci tõõ.’

Terethiinit 18:19

“Ma nĩngaata, atuꞌthaanĩk hatĩ nẽẽg ooti cĩggĩĩng tuduhaac nẽ aauto ulwaana nẽ othoothito ĩĩtõ, “ ‘Pĩĩrnanĩt hĩ ꞌtaaũn cobbi cĩ Babiloonnia! Aballio eeta vẽlẽk baag aꞌnyak haahũlĩt bũlũccwaanĩ, hẽlẽggẽẽnnĩĩ cĩg ꞌtaaũn nicci obbi ho. Ma hĩdĩĩkoothong, iꞌnginõõthĩ ꞌtaaũnĩ nicciee obbi ho kõr ꞌcĩ odoyyii.

Terethiinit 18:21

Ma nĩngaata, õdõnga aajĩlõ umwaa ꞌcĩ attiran gẽrrẽẽt bẽẽ cobbi nẽ udhuheek ꞌtirriaana bũlũcatõõ, nẽ õthõõth ĩĩ, “ꞌGõõl ꞌcĩ hatĩ ĩꞌthaanini ꞌtaaũnĩ cĩ Babiloonnia ciee hiittiõõ hõllõngaa edeeꞌnyia tarĩ.

Terethiinit 18:8

Nẽẽthĩ hoti ho, atinya hatĩ nẽẽ ꞌcannan hĩ magĩth hĩ daahĩth kõr hõdẽẽthõng haaga. Aaĩ hatĩ nẽẽ ulwaanaa cobbi gẽrrẽẽt. Atũũth hatĩ ꞌgwaa ẽlẽ cĩnnĩ hĩĩ ꞌthĩĩ, hĩnĩngĩtĩ ẽttẽẽd Makayyioohiti Nyekuci ꞌTirriannioohiti thõõth cĩnnĩ ẽlẽk.”