Terethiinit 17:5 - ꞌBuuk cĩ Thõõth cĩ Nyekuci

⁵ Nẽ muumaa cĩnnĩ, eheedothoothĩk ꞌthaara ꞌgõõlaa ꞌcĩ ammiꞌthi ꞌcĩg aĩ, Hĩĩnĩ naa ꞌtaaũn cobbi cĩ Babiloonnia, aattĩ thooꞌthiok vẽlẽk ꞌcĩg ĩĩn ꞌriiring loota nĩnga. Nẽ hĩĩnĩ aattĩ hẽlẽggĩ vẽlẽk ꞌcĩg abathĩ gẽrrẽẽt loota nĩnga.

Terethiinit 17:5 Iomraidhean Croise

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

2 Tẽꞌthaloonika 2:7

Hĩnĩngĩtĩ adticaniini hatĩ nẽẽ ꞌtirrian cĩnnĩ ꞌcĩ ammiꞌthi cĩ ꞌthẽccaanõ. Nẽẽthĩ, ẽẽtĩ ꞌcĩ ꞌyioko alaam ꞌtirrian cĩ eet ꞌcĩ aĩ hĩĩnĩ Nyekuc ko, aalla hatĩ alaam ĩꞌthõng hẽꞌnyẽẽhĩ ꞌgõõla.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 11:8

Ibbaattĩg hatĩ eleeti cĩggĩĩng loota, ꞌtaaũnaa ĩbaa õdõddõthõõthĩkĩ Makayyioohiti cĩnĩĩng hurucceea. Nẽ ꞌtaaũnĩ niccia, aduhõõ hĩ ꞌThõõdõm hĩ Ijjib thõng.

Terethiinit 14:8

Nẽ ũnũa aajĩlõ nicci ꞌgoonnia umwaa ꞌcĩ ĩĩn ꞌramma ꞌcĩ ẽggẽrẽny aĩ, “Irribanĩ ꞌtaaũnĩ cobbi cĩ Babiloonnia! Hĩnĩngĩtĩ aaꞌnyĩk eet vẽlẽk hũdũũtĩtõ mẽrtaa cĩ viinoo nẽ ĩdĩmanit thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ tahatak. Nẽẽthĩ ꞌyioko, ĩlĩĩlĩ Nyekuci nẽ irriban Babiloonnia.”

Terethiinit 16:19

Nĩngĩtĩ aku alibiẽẽnĩ ꞌtaaũnĩ cobbi cĩ Babiloonnia hĩĩ iyyio nẽ tarĩ, iita ilibti ꞌtaaũnniooha cĩg loonyin vẽlẽk buúk hĩĩ ꞌthĩĩ. Nĩngĩtĩ ammuhaanĩ Nyekuci ꞌthẽccanẽẽt cĩg eet cĩg Babiloonnia vẽlẽk nẽ uuk ĩhõõggõ lĩĩlĩẽẽtta.

Terethiinit 17:1

Ma ho, ikia aajĩlõ umwaa ꞌcĩ ĩĩn tũkĩramma ꞌcĩ baa ĩꞌthaanĩk ꞌthẽrẽt ꞌcĩ aꞌnyak lohilihiliiaa cĩnnĩ looc vẽlẽk ĩnnĩhaa, “Ijjia da ngaati, hatĩ heteretheehii ꞌgõõl ꞌcĩ hatĩ õkõ uuki Nyekuci ngaa ꞌcĩ ĩĩn ꞌwaaꞌngiahit cobbi gẽrrẽẽt, ꞌcĩ iccioloongan bũlũccwaanĩĩ ꞌcĩg mẽẽlĩg.

Terethiinit 17:2

Atagguutho nẽẽ hĩ habuẽẽt vẽlẽk loota nĩnga. Nẽ ngaaoni cĩnnẽẽnĩ, aau hĩcĩ eet ꞌcĩg ahũd viino hũdũũtĩtõ nẽ idticanit thooꞌthiok ꞌcĩg ĩĩn ꞌriiring loota nĩnga.”

Terethiinit 17:7

Ma ho, ĩnnĩhaa aajĩlõ nẽẽ, “Akuleehi ꞌjieen noho inni? Hẽddẽẽbakii hatĩ naa thõõth cĩ ngaa nicci nẽ hẽddẽẽbahii thõõth ꞌcĩ ammiꞌthi cĩ nyaharahaak ꞌcĩ aꞌnyak ooti tũkĩramma hĩ otto õmmõtõ, ꞌcĩg iccioloonganĩ nga nicciee ho buúk.

Terethiinit 18:2

Ma ho, ikia ẽggẽrẽny aajĩlõ tĩho gẽrrẽẽt ĩĩ, “Ĩꞌthaanĩ Babiloonnia ꞌtaaũnĩ cobbi hirribanĩ hĩĩ ꞌthĩĩ! Ikia ĩĩ õlõ cĩ loriẽẽt ꞌcĩg abathĩ, nẽ aautti loriẽẽta ꞌcĩg abathĩ hĩ hĩbaallĩ hĩ idiꞌngwa ꞌcĩg abathĩ vẽlẽk.

Terethiinit 18:21

Ma nĩngaata, õdõnga aajĩlõ umwaa ꞌcĩ attiran gẽrrẽẽt bẽẽ cobbi nẽ udhuheek ꞌtirriaana bũlũcatõõ, nẽ õthõõth ĩĩ, “ꞌGõõl ꞌcĩ hatĩ ĩꞌthaanini ꞌtaaũnĩ cĩ Babiloonnia ciee hiittiõõ hõllõngaa edeeꞌnyia tarĩ.

Terethiinit 19:2

etteedi nii thooꞌthiok ꞌgõõlaa ꞌcĩ aũlan dĩdĩ, hĩnĩngĩtĩ uuku nii ngaa baa ĩĩn ꞌwaaꞌngiahit ꞌcĩ ẽꞌthẽcan looc ꞌwaangĩꞌthẽẽta hĩ ngaaoniitta. Etteedi nii thõõth cĩnnĩ nẽ aaꞌnyĩhuu hũdũman dticcianniook cugunnig baag aruk nẽẽnĩ.”

Terethiinit 7:3

“Ereeyyio da nõõ, ma hẽꞌthẽcannu looc hĩ bũlũc hĩ hẽẽna, ĩꞌthõng hamacaaratta muumti cĩg dticcianniook cĩg Nyekuci.”