Terethiinit 17:3 - ꞌBuuk cĩ Thõõth cĩ Nyekuci

³ Nĩngĩtĩ õkõõyya aajĩlõ Loriia horrwatõõ ꞌcĩ õdõhõhĩĩ kak. Ma ĩĩca, hũũk hĩcĩna ngaa umwa ꞌcĩ iccioloonganĩ nyaharahaak ꞌcĩ marihi ꞌcĩ aꞌnyak ooti tũkĩramma hĩ otto õmmõtõ nẽ baa eheedothoothĩk doominiti ꞌcĩ õdõõmĩ Nyekuc ẽlẽ cĩnnĩ hũtũrũũr.

Terethiinit 17:3 Iomraidhean Croise

Maatteeo 27:28

Ma ho, uppuruccia nẽẽg ceremwa cĩg Yeesu nẽ itihimtẽẽhĩ ĩnõõnnõ cẽrẽm ꞌcĩ marihi,

Dtiicanĩ cĩg ꞌThooyyiahu 8:39

Ma baa iꞌngothia nẽẽg maamĩ battaala, ikia ammanyanõõĩ Lorii cĩ Makayyiookto Pilippo noho matadaꞌnyak, hiittiõõ hõllõngaa adtuuha ꞌgaalacĩ tarĩ, nẽẽthĩ, baa accamanoothĩk ꞌgaalacĩ gẽrrẽẽt, nĩngĩtĩ õkõõĩ ꞌgõõla cĩnnĩ.

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

Terethiinit 1:10

Ma baa kõr ꞌcĩ halaiinna naag lemmiooha, ikia aggama Lorii ꞌcĩ Ẽllẽẽmĩth nganĩĩt nẽ hĩthĩha molook cobbi ꞌcĩ ẽggẽrẽny ĩĩcĩ bahuc caannĩ haau hĩ mõlõõhĩ cĩ tũũrĩõ.

Terethiinit 12:14

Baa aaꞌnyĩhoothĩk ngaa nicci havvuuto ꞌramma ꞌcĩg obbitẽẽgĩ, ꞌcĩg aattĩg hĩcĩg ꞌthuutiaak ꞌcĩg baag ẽẽl ĩnõõnnõ hukul hũũk ĩĩcĩ baa õkõ aayyi horrwatõõ umwaanĩ ĩcĩ õdõhõhĩĩ kak, ngaatĩ hõllõngaa õdõlanĩ ꞌbuuhi niccieeni nẽ utuguthi nĩĩca irkiꞌnyia iyyio hĩ ꞌnuth.

Terethiinit 12:3

Ma hĩdĩĩkoothong, ikia edeeꞌnyia ꞌgiimwaa hẽẽtahujjieen tarĩ, ꞌcĩ aaĩ hĩ ꞌbuuhi cobbi ꞌcĩ marihi ꞌcĩ aꞌthĩlan Aꞌnyak ooti tũkĩramma, hĩ otto õmmõtõ nẽ aꞌnyak ooti ꞌcĩg ĩĩn tũkĩramma ho vẽlẽk tẽmẽdẽhĩta.

Terethiinit 12:6

Nĩngĩtĩ avviri ngaa nicciee õkõõĩ horrwatõõ umwaanĩ ĩcĩ õdõhõhĩĩ kak, ngaatĩ baa akũmaneek Nyekuci aĩ ꞌcĩ hatĩ õkõ aꞌthũũnnĩ ĩnõõnnõ waathinniook aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).

Terethiinit 17:18

“Nẽ ngaa ꞌcĩ adtuuha nii ho, ĩthakꞌthoothĩk ꞌtaaũn cobbi ꞌcĩ aggam habuẽẽt cĩg lootu vẽlẽk.”

Terethiinit 17:4

Nẽ baa ahimit ngaa nicciee ceremwa ꞌcĩg ẽllẽẽmĩth ꞌcĩg ꞌthorrialĩk nẽ ĩĩtõ marihik nẽ aꞌnyak dihidok ꞌcĩg attalĩth ꞌcĩg adĩmanniaa ꞌdaaba nẽ tarĩ, aꞌnyak biyyiẽẽn ꞌcĩg aaddi hĩ pẽalꞌnya. Aꞌnyak nẽẽ hooppo ꞌcĩ ĩĩn ꞌdaab athĩnĩĩ cĩgĩnnĩg, ꞌcĩ abbĩꞌthĩĩ hẽlẽggĩ ꞌcĩg õꞌngõlĩ ĩĩn ꞌriiring ꞌcĩg gõõng adĩman nẽẽnĩ.

Terethiinit 18:12

Iittiõõ hatĩ eeta ꞌcĩg nga ũũt ꞌdaab, hĩ maccĩrẽẽn hĩ tẽllẽẽn ꞌcĩg attalĩth hĩ pẽalꞌnya hĩ ceremwa ꞌcĩg ẽllẽẽmĩth hĩ buuya ꞌcĩ ꞌrẽggẽẽ hĩ cẽrẽm ꞌcĩ ahĩggĩrĩĩ hĩ cẽrẽm ꞌcĩ marihi hĩ abaauꞌnya hĩ hẽlẽggĩ ꞌcĩg adĩmanniaa nyĩgĩtẽẽ cĩg oꞌngollwaanu hĩ abaauꞌnya ꞌcĩg õkõmĩ ngaatĩ hũũtanĩ hĩ ꞌthĩĩk hĩ biyyiẽẽn ꞌcĩg attaalĩth tõõ.

Terethiinit 18:16

nẽ ĩĩtõ, “ ‘Pĩĩrnanĩt hĩ ꞌtaaũn cobbi cĩ Babiloonnia, baa gõõng ahimti ceremwaanĩĩ ꞌcĩg anyũttĩĩ ĩcĩg ꞌthorrialĩk, nẽ itihim maccĩrẽẽn ꞌcĩg attalĩth ꞌcĩg adĩmanniaa ꞌdaaba hĩ biyyiẽẽnĩĩ ꞌcĩg ĩĩn tẽllẽẽn hĩ pẽalꞌnya.

Terethiinit 21:10

Ma ho, ũũka aajĩlõ nicciee Loriiaa ꞌcĩ Ẽllẽẽmĩth, ĩꞌthõng muur umwa ꞌcĩ uuni gẽrrẽẽt nẽ ũũk eteretheeha ꞌtaaũn cobbi ꞌcĩ ẽllẽẽmĩth cĩ ꞌJeruꞌthalẽmĩ, ꞌcĩ alluuccia õlõõ cĩ Nyekuci hẽẽtahujjieen aku loota.

Terethiinit 4:2

Ma hĩdĩĩkoothong, hudtuuha Lori ĩĩcĩ muum caannĩ hĩ dtaaba cĩ hẽẽtkujjieen, ꞌcĩ iccioloonganĩ ẽẽtĩ umwaanĩ.