Terethiinit 17:2 - ꞌBuuk cĩ Thõõth cĩ Nyekuci

² Atagguutho nẽẽ hĩ habuẽẽt vẽlẽk loota nĩnga. Nẽ ngaaoni cĩnnẽẽnĩ, aau hĩcĩ eet ꞌcĩg ahũd viino hũdũũtĩtõ nẽ idticanit thooꞌthiok ꞌcĩg ĩĩn ꞌriiring loota nĩnga.”

Terethiinit 17:2 Iomraidhean Croise

Yõaannẽ 2:10

nẽ ĩĩnnĩk, “Gõõng hakatĩ mẽrtĩ cĩ viino ꞌcĩ ahahatĩĩ ĩcĩ oou. Ma ũũppattĩ hẽẽrõnĩ, nẽẽthĩ, aꞌnyakta ꞌteeddiaha. Agunyuthi hinnia hatĩ nii mẽrtĩ ꞌcĩ ahahatĩĩ ĩꞌthõng hĩĩ noho inni?”

Terethiinit 14:8

Nẽ ũnũa aajĩlõ nicci ꞌgoonnia umwaa ꞌcĩ ĩĩn ꞌramma ꞌcĩ ẽggẽrẽny aĩ, “Irribanĩ ꞌtaaũnĩ cobbi cĩ Babiloonnia! Hĩnĩngĩtĩ aaꞌnyĩk eet vẽlẽk hũdũũtĩtõ mẽrtaa cĩ viinoo nẽ ĩdĩmanit thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ tahatak. Nẽẽthĩ ꞌyioko, ĩlĩĩlĩ Nyekuci nẽ irriban Babiloonnia.”

Terethiinit 17:13

Ẽlẽmĩ hatĩ nẽẽg vẽlẽk ngaatĩ aaꞌnyĩkĩ nyaharahaak nicci ꞌtirrian hĩ makaaꞌthĩt cĩnĩĩng.

Terethiinit 17:17

Nyekuc ꞌcĩ aaꞌnyĩk habuẽẽt niccig hõdõĩ muhẽẽnĩtĩ cĩnĩĩng, ĩnõõ ꞌcĩ ẽlẽmaakĩ nẽẽg vẽlẽk ꞌtirrian cĩnĩĩng nyaharahaak nicci ho. Adĩman ꞌthẽk hatĩ nẽẽg noho ĩꞌthõng, hikia thõõth baa aduha Nyekuci hĩĩ dĩdĩ.

Terethiinit 17:5

Nẽ muumaa cĩnnĩ, eheedothoothĩk ꞌthaara ꞌgõõlaa ꞌcĩ ammiꞌthi ꞌcĩg aĩ, Hĩĩnĩ naa ꞌtaaũn cobbi cĩ Babiloonnia, aattĩ thooꞌthiok vẽlẽk ꞌcĩg ĩĩn ꞌriiring loota nĩnga. Nẽ hĩĩnĩ aattĩ hẽlẽggĩ vẽlẽk ꞌcĩg abathĩ gẽrrẽẽt loota nĩnga.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 18:23

Iittiõõ hatĩ ꞌloomo ꞌcĩ nga alanyĩt hĩ nganiit tarĩ tõõ. Iittiõõ hatĩ mõlõõhĩ cĩ nyattaraanõ, hõllõngaa athĩknĩ hĩ nganiit tarĩ. Baa ĩĩn tũjaarrioha cugunnig eet ꞌcĩg obbitig gẽrrẽẽt loota nĩnga. Nẽ ngarĩꞌthẽẽt cunni ho, ikia aaꞌnyĩk eet cĩg loonyin vẽlẽk harahanit.

Terethiinit 18:3

Ũhũdĩt loonyini vẽlẽk viino cĩ thooꞌthiok cĩgĩnnĩg ꞌcĩg ĩĩn ꞌriiring. Iita atagguutho habuẽẽta cĩg looc vẽlẽk hĩ ngaa nicci. Nẽ tarĩ, iita aballio tũjaarrioha cĩg looc nicci vẽlẽk buúk, hĩnĩngĩtĩ ngaa nicci.”

Terethiinit 18:9

“Au hatĩ alu habuẽẽta cĩg lootu vẽlẽk baag oogin nẽ accamattoothĩk hĩ ngaa nicci, ngaatĩ acĩnĩ ꞌgwoo hĩ bũrrẽt ꞌcĩ atũũthẽnĩ ngaa niccieeni.

Terethiinit 2:22

“Nẽ ꞌyioko, hadhuheehi hatĩ naa Jethebẽẽla nangẽrẽbaa cĩ ꞌcannaanõ nẽ haaꞌnyĩha eet ꞌcĩg adĩman hĩ ĩnõõnnõ thooꞌthiok ꞌcĩg ĩĩn ꞌriiring ko hippiirria gẽrrẽẽt, hatĩ hõllõngaa ũũnnĩk ꞌthẽccanẽẽt cĩggĩĩng ko.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 9:21

Baa aitiõõ hõllõngaa ũũhũ eeta cieeg ꞌthinneeti cĩggĩĩng hĩ authet ꞌcĩ aruhi eet. Baa aalla ẽlẽmĩ nẽẽg hẽlẽggĩ ꞌcĩg ĩĩn õlõng, hĩ thooꞌthiok cĩg ꞌwaangĩꞌthẽẽtak hĩ ĩgõr cĩnĩĩng.