Terethiinit 17:16 - ꞌBuuk cĩ Thõõth cĩ Nyekuci

¹⁶ Aku hatĩ nyaharahaahĩ ꞌcĩ aꞌnyak otto ꞌcĩg ĩĩn õmmõtõ ho, iꞌthianaanĩ ngaatĩ aaburrẽẽkĩ ngaa ꞌcĩ hõllõngaa aꞌngaaõn buúk ko. Appũrcca hatĩ nẽẽg ceremwa ꞌcĩg ahimit ngaa nicciee ho vẽlẽk nẽ ũtũngteek ĩnõõnnõ haau ngũtũtũũny nẽ hatĩ adahit ẽlẽ cĩnnĩ nẽ itikta thuruthur cĩg ẽlẽ cĩnnĩ ho, udhukteek ꞌgwoyyiatõõ hutuuꞌthi hĩĩ ꞌthĩĩ.

Terethiinit 17:16 Iomraidhean Croise

Terethiinit 12:3

Ma hĩdĩĩkoothong, ikia edeeꞌnyia ꞌgiimwaa hẽẽtahujjieen tarĩ, ꞌcĩ aaĩ hĩ ꞌbuuhi cobbi ꞌcĩ marihi ꞌcĩ aꞌthĩlan Aꞌnyak ooti tũkĩramma, hĩ otto õmmõtõ nẽ aꞌnyak ooti ꞌcĩg ĩĩn tũkĩramma ho vẽlẽk tẽmẽdẽhĩta.

Terethiinit 16:12

Ma nĩngaata, ikia udduutik aajĩlõ ꞌcĩ ĩĩn tõrkõnõn lohilihili cĩnnĩ lĩĩlaa cobbi ĩĩcĩ Euvaratẽthĩ, nĩngĩtĩ õdõhõknĩ lĩĩl ciee, hĩĩ ꞌgõõl ꞌcĩ ovvooyyianĩ habuẽẽta ꞌcĩg au ĩĩcĩ uruto.

Terethiinit 17:10

Adaahito habuẽẽta ꞌcĩg ĩĩn ꞌtur ẽlẽk nẽ nga aaĩ hõdẽĩ, ꞌcĩ nga aggam looc ꞌyioko nẽ nga hatĩ aku umwaanĩ. Nẽ má ikia tĩho, aku hatĩ aggam looc hĩdĩhĩdĩĩc haaga nẽ iꞌnginõõthĩ.

Terethiinit 18:19

“Ma nĩngaata, atuꞌthaanĩk hatĩ nẽẽg ooti cĩggĩĩng tuduhaac nẽ aauto ulwaana nẽ othoothito ĩĩtõ, “ ‘Pĩĩrnanĩt hĩ ꞌtaaũn cobbi cĩ Babiloonnia! Aballio eeta vẽlẽk baag aꞌnyak haahũlĩt bũlũccwaanĩ, hẽlẽggẽẽnnĩĩ cĩg ꞌtaaũn nicci obbi ho. Ma hĩdĩĩkoothong, iꞌnginõõthĩ ꞌtaaũnĩ nicciee obbi ho kõr ꞌcĩ odoyyii.

Terethiinit 18:8

Nẽẽthĩ hoti ho, atinya hatĩ nẽẽ ꞌcannan hĩ magĩth hĩ daahĩth kõr hõdẽẽthõng haaga. Aaĩ hatĩ nẽẽ ulwaanaa cobbi gẽrrẽẽt. Atũũth hatĩ ꞌgwaa ẽlẽ cĩnnĩ hĩĩ ꞌthĩĩ, hĩnĩngĩtĩ ẽttẽẽd Makayyioohiti Nyekuci ꞌTirriannioohiti thõõth cĩnnĩ ẽlẽk.”

Terethiinit 19:18

hátĩ adahit idiꞌngwa cĩg habuẽẽt ꞌcĩg obbitig cĩg ũũrũta, cĩg appahacaaꞌnyanu, cĩg eet ꞌcĩg avvir nyangõõllẽẽꞌnyanĩ, hĩ idiꞌngwa cĩg nyangõõllẽẽꞌnyanu buúk, hĩ eleeti cĩg eet vẽlẽk cĩg adaahito.”