Terethiinit 15:7 - ꞌBuuk cĩ Thõõth cĩ Nyekuci

⁷ Ma nĩngaata, ikia ꞌgiimwaa ꞌcĩ arũgĩ hõrggẽẽnaa cĩ hẽlẽggĩ ꞌcĩg ĩĩn ꞌwec ko, eꞌngereek aajĩlẽẽt niccig lohilihilit ꞌcĩg ĩĩn ꞌdaab. Baa abbĩꞌthĩĩ liilii cĩ Nyekuc ꞌcĩ arũgĩ ooo, lohilihilitii nĩĩcĩg.

Terethiinit 15:7 Iomraidhean Croise

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 10:6

Nẽ ũbũtan aajĩlõ ꞌthaarĩĩ cĩg Nyekuc ꞌcĩ ẽhẽnyta hẽẽtkujjieen hĩ looc hĩ hẽlẽggĩ vẽlẽk ꞌcĩg arũgĩ ooo ĩĩ, “Iittiõõ Nyekuci hõllõngaa ereeyyi tarĩ.”

Terethiinit 14:10

ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.

Terethiinit 15:1

Ma uruta, hudtuuha ꞌgiimwa hẽẽtahujjieen ꞌcĩ abulan eet nẽ ĩĩ tiir gẽrrẽẽt. Ma ho, iita aajĩlẽẽta tũkĩramma ꞌcĩg aꞌnyaha ꞌthereeni tũkĩramma ꞌcĩg adtuurna nẽ ma edeccia ꞌthereeni cieegi, ũttũbanoothĩk thĩ liilii cĩ Nyekuci.

Terethiinit 16:2

Ma nĩngaata ĩcĩĩdak aajĩlõ ꞌcĩ oou mooriꞌthiook ꞌcĩg aꞌnyak nẽẽ lohilihilaa cĩnnĩ ho eet loota nĩnga. Ma hĩdĩĩkoothong, ulubta carrahulita ꞌcĩg abathĩ nẽ ẽkẽdanit gẽrrẽẽt, eetinii cĩg eet ꞌcĩg aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ ho.

Terethiinit 17:1

Ma ho, ikia aajĩlõ umwaa ꞌcĩ ĩĩn tũkĩramma ꞌcĩ baa ĩꞌthaanĩk ꞌthẽrẽt ꞌcĩ aꞌnyak lohilihiliiaa cĩnnĩ looc vẽlẽk ĩnnĩhaa, “Ijjia da ngaati, hatĩ heteretheehii ꞌgõõl ꞌcĩ hatĩ õkõ uuki Nyekuci ngaa ꞌcĩ ĩĩn ꞌwaaꞌngiahit cobbi gẽrrẽẽt, ꞌcĩ iccioloongan bũlũccwaanĩĩ ꞌcĩg mẽẽlĩg.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 4:10

Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc ꞌcĩ aaĩ dtaabawa nẽ ĩĩn nẽẽ Nyekuc ꞌcĩ aalla ooo. Nẽ itikta tẽmẽdẽhĩt cĩggĩĩng aarrik loota muumaa ꞌcĩ dtaaba nicci nẽ ĩĩtõ,

Terethiinit 5:8

Ma baa aggama nẽẽ ꞌbuuk nicci ho, uruhit hẽlẽggĩ ꞌcĩg arũgĩ ĩĩn ꞌwec hĩ makayyiook ꞌcĩg ĩĩn hẽẽn ꞌramma hĩ ꞌwec ko, looc nẽ akattieek Mĩꞌnyõõn huruꞌnyia. Baa aꞌnyak nẽẽg vẽlẽk addungẽẽt hĩ lohilihilit ꞌcĩg ĩĩn ꞌdaab, ꞌcĩg abbĩꞌthĩĩ mõhõõkacĩ ꞌcĩ ĩĩn laiinit cĩ eet cĩg Nyekuci.