Terethiinit 15:3 - ꞌBuuk cĩ Thõõth cĩ Nyekuci

³ Nẽ ebenit tẽgẽl cĩ Mũũꞌtha baa ĩĩn dticciannioohit cĩ Nyekuci nẽ ebenit tẽgẽl cĩ Mĩꞌnyõõnak buúk ĩĩtõ, “Makayyioohit Nyekuc ꞌTirriannioohit ꞌcĩ ĩllõõani vẽlẽk, abulanneet thooꞌthioha ꞌcĩg adticani nii ꞌcĩg ĩĩn dĩdĩ. Aggami nii eet vẽlẽk jurrung, nii Habuui cĩ irkiꞌnyia vẽlẽk ko.

Terethiinit 15:3 Iomraidhean Croise

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

Ebereei 3:5

Baa ẽlẽmĩ Mũũꞌtha ngaatĩ adticanõõthĩkĩ eet ꞌCieethaa cĩ Nyekuci nẽ uduha cũrũmũũm thooꞌthiok ꞌcĩg hatĩ au edeeꞌnyia horumwa.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 11:17

Baa alayyi nẽẽg aĩ, “Nyekuc Makayyioohit, ꞌTirriannioohit ꞌcĩ ĩllõõani vẽlẽk, ꞌcĩ aaĩ nẽ baa aaĩ dĩdĩ, hĩnĩngĩtĩ idticanõõĩ nii ꞌtirrian cobbi nẽ iꞌthianaaĩ ngaatĩ aggami looc.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 14:8

Nẽ ũnũa aajĩlõ nicci ꞌgoonnia umwaa ꞌcĩ ĩĩn ꞌramma ꞌcĩ ẽggẽrẽny aĩ, “Irribanĩ ꞌtaaũnĩ cobbi cĩ Babiloonnia! Hĩnĩngĩtĩ aaꞌnyĩk eet vẽlẽk hũdũũtĩtõ mẽrtaa cĩ viinoo nẽ ĩdĩmanit thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ tahatak. Nẽẽthĩ ꞌyioko, ĩlĩĩlĩ Nyekuci nẽ irriban Babiloonnia.”

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 19:16

Nẽ baa eheeddi cẽrẽm cĩnnĩ athaana thõõth ꞌcĩ aĩ, “Habu cĩ habuẽẽt vẽlẽk nẽ Makayyioohit cĩ makayyiook vẽlẽk.”

Terethiinit 19:2

etteedi nii thooꞌthiok ꞌgõõlaa ꞌcĩ aũlan dĩdĩ, hĩnĩngĩtĩ uuku nii ngaa baa ĩĩn ꞌwaaꞌngiahit ꞌcĩ ẽꞌthẽcan looc ꞌwaangĩꞌthẽẽta hĩ ngaaoniitta. Etteedi nii thõõth cĩnnĩ nẽ aaꞌnyĩhuu hũdũman dticcianniook cugunnig baag aruk nẽẽnĩ.”

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”