Terethiinit 15:1 - ꞌBuuk cĩ Thõõth cĩ Nyekuci

¹ Ma uruta, hudtuuha ꞌgiimwa hẽẽtahujjieen ꞌcĩ abulan eet nẽ ĩĩ tiir gẽrrẽẽt. Ma ho, iita aajĩlẽẽta tũkĩramma ꞌcĩg aꞌnyaha ꞌthereeni tũkĩramma ꞌcĩg adtuurna nẽ ma edeccia ꞌthereeni cieegi, ũttũbanoothĩk thĩ liilii cĩ Nyekuci.

Terethiinit 15:1 Iomraidhean Croise

Terethiinit 10:3

Ẽggẽrẽny nẽẽ moloohaa cobbi ĩĩcĩ aaĩ hĩ gõõng arruukan ꞌmaa nẽ ma ẽggẽrẽny ko, iita eggerenyit bõrõhẽẽna ꞌcĩg ĩĩn tũkĩramma ho buúk.

Terethiinit 11:14

Nẽ thĩ ꞌyioko, allacanĩ pĩĩrnanĩtĩ ꞌcĩ ĩĩn ꞌramma nẽ õbõhĩ ikia ꞌcĩ ĩĩn iyyio.

Terethiinit 14:10

ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.

Terethiinit 14:19

Nĩngĩtĩ ẽttẽẽdĩ aajĩlõ viino ꞌcĩg abbiiri ho, thẽrẽthẽrẽaa cĩnnĩ. Ma nĩngaata, ũlũteek aajĩlõ nicciee viino ꞌcĩ abbiiri ho ꞌloohatõõ ꞌcĩ ammacciini, hĩĩ terethiinit cĩ liilii cĩ Nyekuci.

Terethiinit 16:1

Ma ho hĩthĩha molook cobbi ꞌcĩ aku ꞌCieethaa cĩ Nyekuci ꞌcĩ aduhaak aajĩlẽẽt tũkĩramma ho anneek, “Õõt udduuttik lilii cĩ Nyekuci ꞌcĩ aaĩ lohilihilitii ꞌcĩg ĩĩn tũkĩramma ho, eetinii vẽlẽk ĩcĩg abũrĩ thõõth cĩ Nyekuci loota nĩnga.”

Terethiinit 17:1

Ma ho, ikia aajĩlõ umwaa ꞌcĩ ĩĩn tũkĩramma ꞌcĩ baa ĩꞌthaanĩk ꞌthẽrẽt ꞌcĩ aꞌnyak lohilihiliiaa cĩnnĩ looc vẽlẽk ĩnnĩhaa, “Ijjia da ngaati, hatĩ heteretheehii ꞌgõõl ꞌcĩ hatĩ õkõ uuki Nyekuci ngaa ꞌcĩ ĩĩn ꞌwaaꞌngiahit cobbi gẽrrẽẽt, ꞌcĩ iccioloongan bũlũccwaanĩĩ ꞌcĩg mẽẽlĩg.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 8:13

Ma ho, hĩcĩna ꞌthuuti umwa ꞌcĩ alilliaan hẽẽtahujjieen ẽggẽrẽny gẽrrẽẽt aĩ, “Pĩĩrnanĩt, pĩĩrnanĩt, pĩĩrnanĩt cobbi gẽrrẽẽt hĩ eet cĩg looc nicci, hatĩ adtahit aajĩlẽẽta ꞌcĩg ĩĩn iyyio ꞌcĩg adtuurna tũũrẽn cĩggĩĩng.”

Terethiinit 8:2

Nẽ hĩcĩna aajĩlẽẽt ꞌcĩg ĩĩn tũkĩramma abĩlĩ muumaa cĩ Nyekuci ho, ngaatĩ aaꞌnyĩhõõthĩkĩ tũũrẽna hõdẽĩ hõdẽĩ.

Terethiinit 8:6

Ma ho, ũkũmattoothĩk aajĩlẽẽta ꞌcĩg ĩĩn tũkĩramma ho ngaatĩ adtahĩ tũũrẽn cĩggĩĩng.

Terethiinit 9:20

Nẽ eeta ꞌcĩg baag nga arũgĩ nẽ hõllõngaa ũũnnĩk ꞌthẽccanẽẽt cĩggĩĩng ko buúk, aalla ala loriẽẽt ꞌcĩg abathĩ noho hĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg adĩmanniaa ꞌdaaba, hĩ maccĩrẽẽnĩ, hĩ biyyiẽẽnĩ, hĩ ꞌcĩg adamanniaa hẽẽnĩ. Nẽ cieeg vẽlẽk, ĩĩn hẽlẽggĩ ꞌcĩg aar eeta hĩĩtõ nyekuꞌnya ꞌcĩg hõllõngaa acĩnĩ hode athĩknĩ hode õvvõ.