Terethiinit 14:7 - ꞌBuuk cĩ Thõõth cĩ Nyekuci

⁷ Baa ẽggẽrẽny aajĩlõ ciee gẽrrẽẽt aĩ, “Itingolli Nyekuc nẽ alaac ĩnõõnnõ! Õbõhĩ kõrra ꞌcĩ aku ẽttẽẽdĩ nẽẽ thooꞌthiok cĩg eetuk. Alaac ĩnõõnnõ, hĩnĩngĩtĩ baa ẽhẽnyta nẽẽ hẽẽtkujjieen hĩ looc, hĩ bũlũccwa hĩ hidiowwẽẽn vẽlẽk.”

Terethiinit 14:7 Iomraidhean Croise

ꞌThianaattõ 22:12

Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”

Luugithõõ 20:11

Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.

Maatteeo 25:13

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr hode ꞌthaa ꞌcĩ hatĩ hakuuni naana.

ꞌLuuka 17:18

Inni hĩĩ eet cĩ looc cĩ ꞌrĩĩng dioo, ꞌcĩ õbõda aku anneek Nyekuc ĩlaallẽ ho?”

Dtiicanĩ cĩg ꞌThooyyiahu 14:15

“Hõlõ, ne ꞌcĩ adĩmannu niig hoti ho? Hĩĩgĩnna naag eet haaga hĩ niiga. Haꞌnyahaakuung naag ngagiit nyeemuut ꞌcĩ abũnnaa, hanneekuung ũtũngteek thooꞌthiok iccig abathĩ ho, elemit Nyekuc ꞌcĩ arũgĩ, ꞌcĩ ẽhẽnyta hẽẽtkujjieen hĩ looc hĩ bũlũc hĩ hẽlẽggĩ vẽlẽk ꞌcĩg aattiyyi ĩhõõggõ.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

Terethiinit 11:13

Ma nĩngaata noho, uluba hirihidtihi cobbi gẽrrẽẽt, ꞌcĩ alib ꞌtaaũn ĩĩcĩ odoyyii hadaahito eeta aalibꞌnya tũkĩramma. Nẽ iita abarritit eeta ũgẽẽgĩ ꞌcĩg baag nga arũgĩ, nĩngĩtĩ abulꞌthĩ nẽẽg Nyekuc ꞌcĩ aaĩ hẽẽtahujjieen, taliittaa cobbi.

Terethiinit 11:18

Baa alĩĩllĩ eeta cĩg loonyin vẽlẽk nẽ ikia iliiliuu nii buúk! Nẽ ꞌyioko, ikia kõrra ꞌcĩ etteedini thooꞌthioha cĩg daakiahu. Nẽ ikia kõrra ꞌcĩ aaꞌnyĩkĩĩ nii dticcianniook cugunnig ꞌcĩg ĩĩn põrõvẽtaaꞌnya ꞌbaaninit, hĩ eet vẽlẽk baag adĩhĩth ꞌthaar cugunnig, eetinii ꞌcĩg kidicig hĩ ĩcĩg obbitig vẽlẽk. Ikia kõrra ꞌcĩ aruhi Nyekuci eet vẽlẽk baag acũda looc.”

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 16:9

Baa atũũth abuurꞌthet cĩ korro ho, eet baag abathĩ hippiirria gẽrrẽẽt, nĩngĩtĩ accĩĩnĩ eeta ꞌthaar cĩg Nyekuc baa aꞌnyak makaaꞌthĩt cĩ ꞌthereeni ꞌcĩg abathĩ dtẽc ko. Nẽẽthĩ, baa aalla abũrĩ nẽẽg thõõth cĩ Nyekuci nẽ hõllõngaa abuluth ĩnõõnnõ buúk.

Terethiinit 18:10

Aaꞌnyĩk hatĩ pĩĩrnanĩtĩ cĩ ꞌtaaũn nicci obbi ho ĩhõõggõ hitingolli nẽ ibillia ꞌrẽẽna nẽ ĩĩtõ, “ ‘Pĩĩrnanĩt tĩhathini nicciee ꞌtaaũn cobbi ho! Babiloonnia, ꞌtaaũn cobbi ꞌcĩ attiranĩ! Aku cuddiaanĩtĩ cunni ꞌthaa hõdẽẽthõng haaga!’

Terethiinit 18:17

Iꞌnginõõthĩ baliiniti cĩ ꞌtaaũn nicci obbi ho, kõr ꞌcĩ odoyyii noho matadaꞌnyak.’ “Nẽ ꞌgaala cĩg haahũlaak, hĩ ꞌthũaahĩt hĩ eet vẽlẽk ꞌcĩg õtõd haahũl hĩ tũjaarriok cĩg bũlũccwaanu vẽlẽk, ibillia ꞌrẽẽna.

Terethiinit 18:19

“Ma nĩngaata, atuꞌthaanĩk hatĩ nẽẽg ooti cĩggĩĩng tuduhaac nẽ aauto ulwaana nẽ othoothito ĩĩtõ, “ ‘Pĩĩrnanĩt hĩ ꞌtaaũn cobbi cĩ Babiloonnia! Aballio eeta vẽlẽk baag aꞌnyak haahũlĩt bũlũccwaanĩ, hẽlẽggẽẽnnĩĩ cĩg ꞌtaaũn nicci obbi ho. Ma hĩdĩĩkoothong, iꞌnginõõthĩ ꞌtaaũnĩ nicciee obbi ho kõr ꞌcĩ odoyyii.

Terethiinit 19:5

Nẽ hĩthĩha molook umwa ꞌcĩ aku dtaabawa ꞌcĩ aĩ, “Hĩdĩhĩthĩt Nyekuc, dticcianniooha cĩgĩnnĩg vẽlẽk, eeta vẽlẽk ꞌcĩg iꞌngolli ĩnõõnnõ, iꞌthianaanĩ eetinii ĩcĩg obbitig hĩ ĩcĩg kidicig vẽlẽk.”

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.

Terethiinit 8:10

Ma baa adtahĩ aajĩlõ ꞌcĩ ĩĩn iyyio tũũrĩ cĩnnĩ ho, udhukia mũꞌnyaac umwaa cobbi ꞌrĩng ꞌcĩ alanyĩt aaĩ hĩ batarria nẽ udhuhoothĩk hidiowwẽẽn hĩ ũꞌngĩ cĩggĩĩng ĩĩcĩ odoyyii.