Terethiinit 14:6 - ꞌBuuk cĩ Thõõth cĩ Nyekuci

⁶ Ma ho, hudtuuha aajĩlõ umwa ꞌcĩ alilliaan hẽẽtahujjieen, aꞌnyaha nyeemuut ꞌcĩ abũnnaa ꞌcĩ aalla ũdũt cĩ Nyekuci, ꞌcĩ aku aduhaak loonyin hĩ habuccieeꞌnya hĩ hattũũgẽt vẽlẽk ꞌcĩg õthõõth thooꞌthiohĩ cũũmõ cũũmõ loota nĩnga.

Terethiinit 14:6 Iomraidhean Croise

ꞌThianaattõ 1:6

Ma ho, õthõõth Nyekuci tarĩ ĩĩ, “Aꞌnyĩĩk haau nĩngĩtĩ ẽꞌngẽr maam hĩĩtõ ꞌgoolliok ꞌramma, maam cĩg lokoru hĩ maam cĩg lootu.”

Maatteeo 10:27

Thõõth ꞌcĩ haduhaakuung naa muguratõõ, õõt othoothit waath nẽ thõõth ꞌcĩ ĩgõrꞌthaaki ẽẽtĩ hĩdĩĩc ĩtaata, othoothit thõõth tĩho õlĩla cĩ ꞌcieethu.

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

1 Pẽẽtũrũ 1:25

Nẽẽthĩ, aalla thõõth cĩ Makayyiookto ũdũt.” Nẽ ĩĩn thõõth tĩho nyeemuut ꞌcĩ abũnnaa baa allimanoothikuung ngagiita.

Terethiinit 10:11

Nĩngĩtĩ anneeka mõlõõhĩ nicciee, “Tẽrẽth eet thooꞌthiok ꞌcĩg hatĩ au. Duhaak ꞌthẽk ĩhõõggõ vẽlẽk tarĩ, loonyinii cĩggĩĩng hĩ eet ꞌcĩg õthõõth thooꞌthiohĩ cũũmõ cũũmõ, hõdẽĩ hĩ habuẽẽt cĩggĩĩng vẽlẽk.”

Terethiinit 10:7

Uduhaak Nyekuci eet baag ĩĩn põrõvẽtaaꞌnya cĩgĩnnĩg thooꞌthiok baag ammiꞌthi nga hagayyi, hatĩ ũttũbaneek aajĩlõ ꞌcĩ ĩĩn tũkĩramma ngaatĩ adtahĩ tũũrĩ cĩnnĩ.

Terethiinit 13:7

Ma ho, ikia ẽlẽmaahĩ Nyekuci nyaharahaak nicci hurukto hĩ eet cĩgĩnnĩg, hátĩ hĩllõõan nẽẽ ĩhõõggõ. Nẽ baa aaꞌnyĩk Nyekuci nyaharahaak nicci buúk, makaaꞌthĩt ꞌcĩ aggamĩ looc eetini noho hĩ habuccieeꞌnya hĩ hattũũgẽt vẽlẽk.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.

Terethiinit 8:13

Ma ho, hĩcĩna ꞌthuuti umwa ꞌcĩ alilliaan hẽẽtahujjieen ẽggẽrẽny gẽrrẽẽt aĩ, “Pĩĩrnanĩt, pĩĩrnanĩt, pĩĩrnanĩt cobbi gẽrrẽẽt hĩ eet cĩg looc nicci, hatĩ adtahit aajĩlẽẽta ꞌcĩg ĩĩn iyyio ꞌcĩg adtuurna tũũrẽn cĩggĩĩng.”